زبانحال زینب کبری سلام الله علیها خطاب به ساربان

سـاخـلا ناقه‌مـی کاروانیـدن
واردی بیر قالان گیتمه ساربان
گـر تـاپولماسا سـویگلی بالام
                          گیتمرم دایان گیتمه ساربان

آخـــر وداعنــده قــارداشیـم
تاپشـوروب منه بیربیر عترتین
ایتمـرم فرامـوش اؤلونجه من
قـارداشیـم حسینون وصیّتین
شه اوزی بولوردی یقین همین
شاهـزاده‌نیــن بیلــه ساعتین
نـاقـه‌دن ییـخار سـاربان قالور
                      چولده باغْریقان گیتمه ساربان

چُوخدی گرچه اوز اهل‌بیتنه
اولشـه رَؤفـــون محبّتــی
وارخـصـوص بــو نـازنینله
شاه بی‌کسون اوزگـه اُلفتـی
نیزه‌ده یـارالی باشی دوروب
گیتمـوری او اُلفتـدی علّتی
گیتمز اوز بالاسی تاپـولماسا
                     حَشره‌دین اینان گیتمه ساربان

گورمـوسن نجـه سـوز آهلـه
کـلِّ عالمـی یاندیرور یـاخـور
نیزه‌ده آچورقان دولان گوزون
متّصـل گَلـن یـولّارا بـاخـور
تـوز کُولـه بَلَشمیش جمالینه
اشگ دیده‌سی دمبدم آخـور
من دؤزنمرم ایتسه قارداشیم
                     گوز یاشین روان گیتمه ساربان

نیزه اوسته حسـرتله صـاق صولا
قـانلو گـوزلرین هـی دولانـدیرور
اوز بالاسینـون چـولده قالمـاقین
سیـزه‌لــره او رَمـزیلـه آنـدیـرور
گر دایانماسـاز سیز اوبـاش دورار
اهــل کــاروانــی دایـانـدیـرور
سانما بیر کسیک بـاشدی نیزه‌ده
                          بولمه ناتوان گیتمه ساربان

کیـم بـولـور اونــون اقتـدارینی
هـر باخان گورور بیر یـارالی باش
چوخ چالیشمیون بیجهت قویون
مـن ایدیـم سیـزه ماجرانی فاش
ویرمیــون عَبـث نیـزیــه تـکان
ایتمیون عبـث کـوشش و تلاش
نـه گیـدر او بـاش نـه قـویار اولا
                          کاروان روان گیتمه ساربان

بـولمورم ییخـوب ایمدی ساربان
یـا یئـره دوشـوب نـاقه‌دن گیجه
گرگیجه دوشـوب بـوگیچن گیجه
صبحه‌دین بالام صبح ایدوب نجه
تیز گیدون اونی آختارون تـاپون
سرعت ایلیـون قـویمیـون گیجه
چوخ یوبانسا قورخوم بودور ویره
                  چوللّر ایچـره جان گیتمه ساربان

گـر آلام اَلـه قـانـلـو زلفـومی
کـلّ عـالـمــی زایــل ایلــرم
اشگیله بو صحرانی ایسلادوب
کـاروانــی پـا بَـر گِـل ایـلـرم
کاروانــی لنـگ ایلیـوب سیزه
گیتماق امـرینی مشکـل ایلرم
بیر قدم قـدمـدن گوتورمسون
                       ناقه ساربان گیتمه ساربان

گـرچـه بــو بـالا قیـد عشقـلـه
تـــار زلــف اکبــرده بستـه‌دور
لیـک قـالمیـوب مَشیَـه طـاقتی
یول گلوبدی یورقوندی خسته‌دور
نـالـه‌سی گـلـور هـی قـولاقیمـه
صبـریمـی آلــور دلشکسـتـه‌‌دور
گـه بــابــا بـابـا سسلنـور گهـی
                  عمّه عمّه جان گیتمه ساربان

بـو یتیمـه قـیـزلار آرا بـونـون
نـاله‌سینده وار اوزگه اختصاص
نـالیـه گـلنــده سبــب اودور
حـالینه یانار جمله عام و خاصّ
رنــج و زحـمت تــازیـانـه‌دن
ایستیوب اونی ایلسون خلاص
نـاقه‌دن ییخوب سـاربـان یئره
                   وار بیله گمان گیتمه ساربان

داغــلانــوب دل داغـداریمیـز
اودلانــان زمـان خیمگـاهیمیز
یـوخـدی گیتمـاقـا اختیـاریمز
گیتمسـه اگـــر شــاهِ راهمیـز
قـالمیـوب داخـی غمگسـارمیز
نیــزه‌ده او باشــدور پنـاهیمیز
تا دوروب او باش بیزده‌ بوچولی
                     ایلروخ مکان گیتمه ساربان

مـن فـدا او بـاشـون وفـاسینه
گور وفـا یـولون گـوزلـر آشکـار
بیر سپاهی لنگ ایلیوب دوروب
اؤز بالاسینــی گــوزلــر آشـکار
بنزمــور عبــث نــوک نیـزه‌ده
منتظــر گـــوزه گـوزلــر آشکار
گـورمیـوب بیلـه مهـربـان آتـا
                       دیدۀ جهان گیتمه ساربان

 

کربلا زمزمه سی 2- شأنی

تاریخ ارسال : چهار شنبه 5 مهر 1396
آخرین بازدید : جمعه 10 تیر 1401
تعداد بازدید کننده : 2266
دفعات مشاهده : 2328
» ارسال نظرات
متن پیام : *
نام :
تصویر امنیتی :
 
 
 

خبر داغ

عصر شعر عاشورایی / شعر خوانی محمد سعید میرزایی

رسم اهل ادب/ مداحی واجب، مداحی مستحب، مداحی حرام

حاج اصغرسعیدمنش / این دل تنگم عقده ها دارد...

قال رسول الله صل الله علیه واله و سلّم

همـانا در نهــان مـردم بـا ایمـان، معـرفت و شنـاختی نسبت بـه امــام حسیـن علیه السلام نهفته است.

(البحار: جلد 43، صفحه 271)
مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک