امشـی ابـأسرتی یحسین و راسـک یـمش جدامی
مدری ابچی العلی السجاد مدری انحب علی ایتامی
****
یحسین التفت یا صـوب و حاطتنـی کـدرو آلام
و بحبـل الصبـر خــویه متحزمه ابرحیلی احزام
و من عظم المصیبه الیل گام ابصف یتیمی اینام
مفجوعه و هظم فگداک منّـه امــدوهنه ایامی
****
مـالــومک یبــوالسجــاد و عمری اضحیـه قدمته
و گلبی الی انجسم نصین ابصبری اشلـون وجفته
نص جبته ابچی بی وانحب و نص یم جثّتـک عفته
و الاعظــم علیــه السوط وجفنی امن البچی دامی
****
لو تدری اشکثـر گلبـی حمل من الدهر صدعات
وابیاحـاله چنـت اصبر یخـی و اتجـرع اللوعات
و اذرف دم من اعیونی مـن اتخلـص الدمعـات
گلبی احترگ بالاحزان مثل ما حترگت اخیامی
****
مـن ابیـوم و دعتـک یبن امی دلیلی انحاس
دریتک خویه ما تگدر تحمـل فرگـه العبـاس
الگمر یم النهر مطروح اشعجب ما یطلق النفاس
ساگی اطفالک ابیاحال ابکتر المشرعه ضامـی
****
یخویه وشوف سکنه اشلون تشگف ضربـه العدوان
والاطفــال مشبــوگــه و تنخی گمـر عـدنان
هــذا الفــاگد الـــوالد وهذا الینتحب عطشان
وحدی ابگیت خویه احسین لا والـی ولـا حــامی
دموع و دماء 2
