زینب الکبری یالتعرف حزنها
هالیله تحضر لاملاک ابدفنها
****
اکتـب و الدمـع یتناثــر مـن العیـن
و اذکـر بالحـزن اخت الحسن و احسین
ابهالحاله اعتنی گبـر اخـت المیامین
وینه الّـی یسمع صوت امصیبتـی وین
احچی ابدمعتی یــا ام المصـــایب
وی الیتــامــه مــابیــن الخرایب
****
مهجة فاطمه نجمت لیل الاکدار
حــرة کربله و مهیوبــة الکرار
هالمنظر صعب تذهل منه الافکار
حمـلت الهظم مسبیه اویا الاشرار
عالفرگه تنحب و الدمعـه تهلهـا
و ظلت ابحیره من فگدت املها
****
شافـت الحسن چبده انمرد بـالسم
و احسین العمد بالخیـل ایتـهشم
شافت بولفضل کافلهـا ابنهـر دم
و گالت ماشفت اجمل من هاذا الهم
عافوهـا کلهـم و هضموها آل امیه
و ظلت بعدهم تتمنــه المنیــه
****
یاوسفه الوکت مایرحـم ابحالی
و گلبی ینفجع من یفهم خیالی
رحمــه للخلـگ های ام المعالی
ناحلهـه الحـزن تعرفهـه الیـالی
های اخت الاطهار محنیه و حزینه
یاهــو العرفهـه من اهل المدینه
دموع و دماء 2
