رمله تودع بالدمع جاسم و جـاسم یودعهـا
دمعی عگبک یصب من تطب للحرب جاسم
الله یساعدها
****
من الحسن مذخور یـا زهـرتی
و بیـک اتّنـوّر یـــالـولد دنتیتی
ارضه ابنصیبی و ارغب ابوحشتی
لــو مـا تخیّب یالـولد ضنّتـی
صاحت ییمه یالولدراید للحومــه تگصدهـــا
و ادری ابوک الحسن رادک الهالزمن جاسم
الله یساعدها
****
اتمنیت عـرسک یبنـی بالمـدینه
و بیـن الشمع حسنـک یشع علینه
یبنـی و نشیلک گمره فوگ ادینه
و نصعد عله انجوم السمه ابمشینه
باچر واشوفک بالدمه امخضب و الدنیا فاگدها
و تنطفی طلعتک خافضه جبهتک جاسم
الله یساعدها
****
ودعهـا و اتعنه غبـار المحن
و الموت یبراله یفصل الچفن
خدینه من ابعیـد یتـلاوحن
و الرمله جدم نایباتـه الزمن
رادت تدور ابزفته باچر والــولد یسندهــا
ما درتّه ابعجل ایده بید الاجل جاسم
الله یساعد ها
****
من الخیـم و اعیـونها ناظره
صوب الولـد نظرتها متوجره
واعیونها بالهـم بگت ناطره
ام و یویلی ابروحها امحیره
مره تنوح و مره تتصبر والهــم یگعدهــا
صابره اعله الولد ما یشابه احد جاسم
الله یصاعدها
****
اتمنّیت ازفک واعجنت طینتک
لاچـن منیتـک یبنی ما خلتک
اسهام المنیـه یبنـی اتلگتک
وشاهـدت آنـا یلولـد موتتک
ماحسبیتک للحرب جادم والحومــه مفردهــا
و ادری ابوک الحسن رادک الهالزمن جاسم
الله یساعدها
****
محـروم مـن شم الهوه یجاسم
عد راسک انته اتدنگ الصوارم
آخر ضحیه مـن ذوی الهواشم
فـوگ الثـره لا بالثریــه نایـم
اجری عبرتی امن الجفن دایم واعلیک ابددها
گلب امک جمر گلی یجمل بدر جاسم
الله یساعدها
دموع و دماء 2
