یوم الاربعین

جینه الکربله الیوم        نبحث عن ولینه

ابیوم الاربعین انصیح     گبر احسین وینه؟

****

دم حــامی الحمیـه          ابرمل الغاضریه

واجسوم اهل الاطهار      مطروحه و رمیه

و شیـال العلم یـم النهر مفضوخه عینه

****

جینه انزورک احسین         اطفـال و نسـاوین

و بکتــر الشریعــه         اندور علی الچفین

و راسک وینه حته اتباصر اعیونک علینه

  ****

صدرک خویه مسحون        و اشلون اصبر اشلون 

سهـرانــه الیــالـی و ماتغمضلی لعیون

و السجـاد مایبطل علـی افــراگک ونینـه

****

    محتــاره ابدلیلــی ومفجوعه ابکفیلی

مدری اتعنه لاطفال        لـو احضـر علیلـی

و مدری ابیاوجه طبتی یخویه اعله المدینه؟

****

رایت نصرک الیوم        منشــوره یمظلـوم

وانتــه البلحرایب ضنوه علی المعلوم

واحنه الی ابوجودک من هـوه العالم علینه

****

خلصت نبعـه العین         اشعدنـه غیـر الونین

وماتطفا امن الگلوب      جمره حزنک یحسین

والگبـرک یبوالیمـه ابهـاذ  الحـزن اجینـه

دموع و دماء 2