صابـر اعلــه المحن یا امام الحسن
امصیبتک والله عظیمه یا امام الحسن
****
یلـی حزنـک یلتهـب نار ابنواظر شیعتک
مثل ابوالیمه وحید الماکو مثل امصیبتک
ابیوم صالحت آل امیه هم علیت ابشیمتک
ابهـاذا صلحـک یا امامی اسستلک کربله
یــالصفــاتک علــن یا امام الحسن
اتعرفک اعگول السلیمه یا امام الحسن
****
اشلون انسه اعله الزچیه یم ضلعهه من نحت
و ویــه ابولیمــه یخویه لحظـة الی ودعت
اشلون انسه ابیوم طاحت چبدتک وسط الطشت
وانسـه اسهـام الرمـن تابوتـک اببین المله
مــابـگالک چفـن یا امام الحسن
اتحملو اکبر جریمه یا امام الحسن
****
انته هم شفت المصایب مثل ابو الیمه العمید
حرب صلحک چان الهم مثله من حارب یزید
او چنت محزن کل زمانک هاذ حزنک موجدید
مثل باجی اهلک مصابک یبو امحمد یا شهید
امصــایبک عـــودن یا امام الحسن
یا ابو اچفوف الکریمه یا امام الحسن
****
امـن الزچیـه فاطمـه شفـت المحنه و الرضع
ومن علی نلت الشجاعه و معرفة دین و شرع
و بخصـالک یالـحسن زود و محنــه منجمـع
حته خصمک هم شهدلک انته کانـون الورع
اعلیـک جــارالزمــن یا امام الحسن
ما مثل شیمتک شیمه یا امام الحسن
دموع و دماء 2
