نبچیلک ادموم یا سبط المسموم
****
نبچـی و صـدرنه نار الک یبن البتول ایجور
و نمزج دمعتک ویه ابو الیمه ابگلب مجمور
ماعدنه گلـب الّـی نجی و عند البقیع انزور
و اصبح خرابه گبرک الیـم أُم ضلـع مـکسور
هم گبرک مهدوم یا سبط المسموم
****
یالیالمهـد جـدک یقبّـل ثغـرک المحبوب
ابیا حاله اختک یم طشت چبدک تحن واتلوب
مـن ّ الازل هالموعـد اعله گصّتک مکتوب
و هاذا الفرض منّک یراعی الموزمه مطلوب
یا رابع معصوم یا سبط المسموم
****
انته و اخوک اصبحتو اشموس ابظلام الیل
واحد تمرّد چبده و الآخر تـدوسه الخیـل
و زینب دمعهه من جفن مدمی علیکم سیل
یا ویلی عالمهظومه من بعد الیتم یا ویل
عاشورک الیوم یا سبط المسموم
****
یا نبعـه المـای الخنگهـه امسابـگ الظلام
ما یطفـه حزنک من گلب هالشیعه بالاعوام
یا وسفه من غدر الظلم عین الشموس اتنام
ویخلی بضعت حیدر اتحوم اباراضی الشام
شوف اختک اتحوم یا سبط المسموم
****
ماننسـه ذچـرک یا شهم لو گطعونه اوذار
ونبچی الک طول الدهر وانواسی لیل انهار
من کثر ماصب الدمع مجری الدمع دم صار
یـالبلکـرم عنـوان الـک و تحیـی الخـطار
من حیدر معلوم یا سبط المسموم
دموع و دماء 2
