شنهو ذنبی یا مدینه لیلــچ امحــوط علینه
شگولـن اعلـه الباب و ضلعی ابظلم ینصاب
****
یمن بعد النبی چملتی اجروحی
ولیالیچ اتعبنی و عذبن روحی
اظن ما همتچ عبراتی وی نوحی
یا فرگة الاحباب ضلعی ابظلم ینصاب
****
اجیـت انشـد یدنیـا المـارعیتینی
هـم لیـله بــلا دمعــی لگیتینی؟
و انشـدچ یـا مصیبـه الجاوریتینی
صدگ انتی و علی بس شیعیتینی
یا جرحی الی طاب ضلعی ابظلم ینصاب
****
یبیت الما غفت عینای بهمومه
و عله بابک حریج النار معلومه
بس انته النبی راعیته بنجومه
و بس انته عرفت الزهره مظلومه
فوگ الحزن وانیاب ضلعی ابظلم ینصاب
****
گبل چانت تسولف بیک کل الناس
وحرمتک هسه بنعال العدو تنداس
ولیشـدون ادی بحبـال یا هالناس
اشیصبر غیرتـه و یتحمـل الارجاس
ماحسبیت احساب ضلعی ابظلم ینصاب
****
انا الزهره الی بس الباری عـرفانی
یغضب لجلی و یرضه الاجـل شانی
عدوی ابکل وکاحه اشلون سطرانی
وخلـف البـاب عالمسمـار عصرانی
راسی ابحزنهن شاب ضلعی ابظلم ینصاب
****
حدود امصیبتـی ما واحـد اعرفهه
او حیدر هم قضیت حگی ما کفهه
یمته اعلومه چا موعودنـه ایرفهه
و علی ثار الزچیه شیعتـه ایصفهه
وایذکر الاصحاب ضلعی ابظلم ینصاب
دموع و دماء 2
