مسلم آدیمدور ایقوم اسلامه حامیم من
اولدورمیـون حسینین قائم مقامیـم من
****
سانمون که خودسرانه بو سرزمینه گلدیم
اثبات حقدن اوتـری ای اهل کینه گلدیم
مأمور ایدوب امیـریم ترویـج دینه گلدیم
اوردوی شاه عشقه ارشد نظامیم من
****
ای کوفیان واریمـدور پیغمبرایله نسبت
سانمون حقیر بیله شرم ایلیون جماعت
پیغمبره ایدون سیز باری بو یرده حرمت
باغ شریعتین بیـر سَـروِ خُـرامیم من
****
علّـت نـدور کـه قتلیم تشکیلینی قورورسوز
اولدورماقیمدان اوتری سیز صف‌بصف دورورسوز
امریـم یتـوب تمــامه آیـا نــدن وورورسوز
صیّاد مرگین آخر محبوس دامیم من
****
بو عرصه‌گاهی چوخ تنگ ایتمون بو دلفکاره
سالـدوز بو زاری دلدن باغلاندی راه چاره
صد پاره‌دور وجـودیم وورمـون یارا دوباره
اولدورمیون امانسیز اسلامه حامیم من
****
مهمان آدیله اوّل بـوزاری دعـوت ایتدوز
بـو سرزمینـه گلـدیم اوّلـده بیعت ایتدوز
بو نقض عهده آخر نولدی که سبقت ایتدوز
فکر ایتمدوز امامین روح و قِوامیَم من
****
ایلـوب منـی امـامِ بـرحــقّ بَـرگزیده
بو شهـر شومـه والی ای قوم بد عقیده
ایمدی منه ایدور سوز اسباب قتل چیده
شـرم ایلیون امامین نایب امـامیم من
****
بوکوی حقـده یوخدور باش ویرماقیمدا باکیم
خوشدور منه داغیلسون بو جسم چاک چاکیم
لـذّت ویـرور بـو روحه آخدوقجه خون پاکیم
بُرج صـداقتین بیـر بـدر تمـامیم من
****
اولسام فنـا بـو یولـدا بولّم که وار بقاسی
دگدوقجه یاره آرتار بو گوگلمون صفاسی
بیر بیله لیک وُرمون ای قـوم دل یاراسی
ایتمون منه شماتت شخص گرامیم من
****
بو کوفـه ایچـره گرچه بی یار و اقربایم
هـم یالقـوزام غریبـم رنجـور و مبتلایم
یوخ سس ویرن سسیمه حسرتله آشنایم
قـوم قریشیـن امّـا ذُوالاِحتـرامیم من
****
اودلار دل جهـانی بــو درد بــی‌علاجیم
جان اوستیم یانیمـده نه وار آنام نه باجیم
صون دمده آشنایه چوخ واردی احتیاجیم
جام لقـای یاریـن خشگیـده کامیم من
****
سیزلـرده یـوخ مروّت ای تابعان سفیان
ووردوز اوقدر سالدوز بو بی‌کسی ایاقدان
یوخسا من غریبی سیز بُلموسوز مسلمان
دانشسـرای دینـده شاگـرد نامیـم مـن
****
قانـه بویانمیشـام مـن چـون تیر خورده آهو
یانـدی دلیـم عطشـدن ای اشقیـای بـدخو
جانیم یتوب دوداقه بیرجه ایچیم ویرون سو
گرچه میِ اَلَستین سرمست جامیم من
****
اولسـا اگـر بـو یـرده بیـر قاصد مدینه
عرض ایلسون حسینه گلمه بو سرزمینه
مهمانـی اُولدورولّـر بـو یرده اهل کینه
کافرلـرین قتیـل تیـر و حُسـامیم من
****
مسلم غمینده «تائب» قان آغلا سینه داغلا
یالقوزلوقون خیال ایت اشگون عذاره باغلا
چوخ دلنشیندی مطلع ذکر ایت دوباره آغلا
مسلم آدیمدور ایقوم اسلامه حامیم من
آندیچمرم اوجانه- تائب
