وور منـه نقـدر وورسـان سیلـی تـازیانــه حارث
خوردا قارداشیمدان ال چک دوندی باغری قانه حارث
****
رسمدور صغیره نسبت ساخلاماز کبیر عداوت
خاصّه گورسه یوخ آتاسی حالینی ایدر رعایت
سهلدور اولار بو طفلـی تاپشیروب آنام امانت
اوندا که وطندن اولدوخ کوفیه روانه حارث
****
یـوخ گناهـی بـو یتیمون آه سردی وار اورکده
ایـل غمـی باجـی فراقـی آنا دردی وار اورکده
فوج‌فوج غم گیچوبدور غصّه گردی وار اورکده
سنـده تازه‌دن گتورمـه آه و الامانه حارث
****
نالیـه گلـر گـوگ اهلی اولسا گـر یتیم مهموم
ریشه‌سین قازار عیاندی اهل ظلمون آه مظلوم
ال گوتـور عداوتنــدن ایتمـه کایناتـی مغموم
بسدی انقلاب سالما جهلیله جهانه حارث
****
کیم گوروب روا بو ظلمی بیر یتیمه سن گورورسن
مسلمـون نـدن چراغین باد غمله سوندورورسن
یوخسا بیر گناهیمز وار اوز ائوینده ئولدورورسن؟
دیمـوسن گلـر بـو غمده ماسوا فغانه حارث؟
****
یوخ دیین ندن وورورسان بو یتیم و زاره سیلی
تیتــردور بـو آغلیانـدا عـرش خالـق جلیلی
ووروب ایتمه مثل سوسن بو جمال آلی نیلی
گورموسن دونوب بهاری ظلمیله خزانه حارث؟
****
ایتوروبدی قورخوسیندان گوروسن بو اوز اوزونی
دوتمـور دیلـی بیانـه گتـوره اورک سـوزونی
رحم ایله خدایه خاطر باغلا هر ایکی گوزونی
سالمـا اضطرابـه ویرمه خنجری نشانه حارث
****
گوزلور ایمدی یول وطنده ایوی یخلان آنامیز
چکـور انتظـار الینـدن داد والامــان آنامیز
اولماسن رضـا امانـدی اولا باغریقان آنامیز
دونـه بـار درد و غمـدن قامتی کمانه حارث
****
یوخ سوزوم سنه اسیروخ الده نه علاجیمیز وار
رحمـه گـل مـروّت ایله رحمه احتیاجیمیز وار
گوزی یولدا بیر پریشان دلشکسته باجیمیز وار
بیـزی اونـدان آیـری سالدی ستم زمانه حارث
****
قورخوری مروّت ایله وورما قارداشیم اوشاقدی
آشیانـوه گلـوب بو پرشکسته قـوش قوناقدی
صیـده دامـده اذّیت شـرط رحمـدن اوزاقدی
کیم گوروب روا بو جور و ظلمی میهمانه حارث
****
ال گوتورمه‌سن بو گونده ایلیسن جفاده طغیان
سنی جدّیمیـز پیمبـر اونی ایتمه قـانه غلطان
خواهش ایلورم ازل کس منی قارداشیما قربان
یوزه توکمه‌سین سرشگین ایله یانه یانه حارث
****
ساخـلا ال سمندر آسـا هجر اودوندا یانوم ئولدور
قول بویون اولاخ سرشک چشمیله بویانوم ئولدور
ویـر او قـدر بـاری مهلت باشینـه دولانوم ئولدور
ایمدی که باغیشلامورسان نه گلوب امانه حارث
****
ابـر نـوبهـاره بنـزر اشگیلـه گــوزی دولـوبدی
قورخودان قاچوبدی رنگی غنچه گُل‌کیمی سولوبدی
باغبـان اولوبـدی خاریـن ظلمینه دچار اولوبدی
گلشنین سموم محنت دوندروب خزانه حارث
****
ای «شعاع» بو اولسون عهدون لطف قیلسا کردگارین
آلاسـوز بــو حافظیلــه ایکــی مـدفنین کنارین
شوط ایدون سیز ایکی قارداش ایکی قارداشین مزارین
گوره‌سوز نجه سالوب اود ظلمیله جهانه حارث
آندیچمرم اوجانه- شعاع
