زبانحال حرّابن‌یزید ریاحی علیه السلام

 

حرّ گمراهم گناهیمدن خجالت گلمیشم

عین ذلّتـده تاپـوب راه سعادت گلمیشم

****

خواب غفلتدن بوگون چشم دلیم بیدار اولوب

مست صهبـای تغـافل دفعتاً هشیار اولوب

شایقم عقبایه بو دنیا گوزیمده خوار اولوب

ایتمیشم ترک جلال و جاه مکنت گلمیشم

****

من او غـوّاصم کـه تاپدیم گوهـر یکدانه‌می

ترک قیلدیم جان و مال و شوکت شاهانه‌نی

حیف اولا امّـا اَگـوب بـار خجـالت شانه‌می

اولموشام مستغرق دریای خجلت گلمیشم

****

واریـدی میخـانۀ عشقـونده بـانگ نوش نوش

بانگ نوشانوش سالدی جانیمه جوش و خروش

نه بیله بیر بزم اولار نه سن‌کیمی بر می‌فروش

ایلیوب دور بوی می بو بزمه دعوت گلمیشم

****

می نه می بیر جرعه‌سینده نشئه مین جام ‌وار

ذوق مستی‌ وار صفـا ‌وار جذبه وار الهام‌ وار

سـرخوشـان بـزم عشقـه یـاردن پیغام ‌وار

امن و الفت بزمی‌دور بو بزم وحدت گلمیشم

****

منده گلدیم دست پیر عشقدن بیر جام آلام

لکّـۀ ننگـی یـووام اُز دامنیمـدن نـام آلام

برق شمشیریلـه قلـب خصمـدن آرام آلام

قویمیام دشمن گوزینده خواب راحت گلمیشم

****

ای ولایـت ملکینـه شاهنشـه عــالی‌تبار

شکر اولا اللهه خیره ختم اولوب انجام کار

مـن اُزوم گرچـه امیـر لشکـرم سربـازوار

خدمتونده ایتماقا هر گونه خدمت گلمیشم

****

سن کلیم عشق‌سن کرب و بلا بر طور حق

نشر اولار قانیلـه بـوردان عالمه منشور حق

مـه جمالونـدا عیانـدور انجــلای نـور حق

روحیمی مجذوب ایدوب نور حقیقت گلمیشم

****

من سنی موجه گلن دریای رحمت گورموشم

اللرونـده بــارش ابــر کـرامت گورموشم

مـه جبینونـده شها نـور ولایت گورموشم

اولموشام مست می ناب ولایت گلمیشم

****

بر نگاهونـدور ایـدن تپراقی مطلق کیمیا

خاک کویوندور هامی درد اهلینه رمز شفا

سن طبیب عشـق‌سن مـن دردمنـد بینوا

ایتماقـا اُز دردیمه بـوردا طبابت گلمیشم

****

باطلی تـرک ایتمیشم تـا حقّه پشتیبان اولام

مکتب عشقونده گلدیم طفل ابجدخوان اولام

ایستــرم منـده فـدای مکتـب قــرآن اولام

وار سویـدای دلیمـده بیلـه نیّت گلمیشم

****

لطف‌ ایله قورتار غم و اندوه خجلتدن منی

اصغره فرض ایله بیر نوکر بوساعتدن منی

بهـره‌منـد ایلـه فیوضـات شهـادتدن منی

قلبیمی لبریز ایدوب شوق شهادت گلمیشم

****

ساحـل امّیدسن مـن غـرق دریـای گناه

بیـر پشیمانـم سرشگ دیده بو امره گواه

باشیم اوسته سایه سال ای سایۀ لطف اِله

محضرونـدن وار تقاضای عنایت گلمیشم

****

بیر گناهیمدن دوشوبدور اهل عالم حیرته

سدّ راه ایتدیم بو چولده اهل بیت عصمته

نازپرور قزلارون سالدیم هراس و وحشته

جسمیمی ایمدی دوتوب آثار وحشت گلمیشم

****

قویما تیـر غم دل آشفته‌می چاک ایلسون

اذن ویر حرّه که قانین زینت خاک ایلسون

بلکه قان یوزدن غبار خجلتی پاک ایلسون

خجلتیمـده قالمیـوب حدّ نهایت گلمیشم

****

ایلمز راضی داخی بوندانصورا منصب منی

یاندیـرار امّـا شـرار درده بیـر مطلب منی

نیلرم عفو ایتمه‌سه بیـرده خانم زینب منی

اود سالوبدور جانیمـه سـوز ندامت گلمیشم

****

دشمنـوزده ایلـه کیـم ذاتاً رذالت ارثدور

سیزده جدّوزدن ولی نسلاً اصالت ارثدور

بالاخص زینبده زهـرادن نجابت ارثدور

تا باجون ایتسون منی مرهون منّت گلمیشم

****

لکّـۀ ننگــی یـوانمـاز دامنیمــدن رود نیـل

چاره سیز قالدیم گلوب درگاهوزا دوشدوم دخیل

سیـز قبـول ایتسـوز منی ردّ ایلمز ربّ جلیل

مـن بـو درگاهـه بـه امّیـد شفاعت گلمیشم

****

قویما روحیم جسمیمه بیر وصلۀ ناجور اولا

کام دل شهد شهـادتدن شهـا مهجور اولا

حرّ ایستور حشـرده عبّاسیلـه محشور اولا

قویمـا سینمده قالا بو داغ حسرت گلمیشم

****

من غریق بحر عصیان سن کرم دریاسی‌سن

رهروان کـوی عشقین سـرور و مولاسی‌سن

دهرده هـر بی‌پنـاهین ملجـأ و مـأواسی‌سن

بسلیـوب دلده سنه چوخلی ارادت گلمیشم

****

تا قبول ایتدون منی ای شمع حق پروانه‌سی

بـادۀ شوقیلــه دولــدی آرزو پیمــانه‌سی

بذل جاندور مقدمونده لطفوین شکرانه‌سی

ایتماقـا جانیله جبـران خسارت گلمیشم

****

قومادون حرّی قاپوندان ای شه گردون حشم

دست خالـی سائلـی ردّ ایلمـز اهـل کرم

منده «مجنون» گنه‌کارم سیـزه خیل خدم

دلده وار بیر حاجتیم ارباب حاجت گلمیشم 

 


آندیچمرم اوجانه- رجائی (مجنون)

تاریخ ارسال : شنبه 22 مهر 1396
آخرین بازدید : پنجشنبه 14 آذر 1398
تعداد بازدید کننده : 564
دفعات مشاهده : 567
» ارسال نظرات
متن پیام : *
نام :
تصویر امنیتی :
 
 
 

سرود میلاد امام حسن عسکری علیه السلام

سرود میلاد امام صادق علیه السلام

سرود آغاز امامت امام زمان (عج)

سرود میلاد نبی مکرم اسلام حضرت محمد صلوات الله علیه

قال العسکری علیه السلام

پارساترین مردم کسی است که در هنگام شبهه درنگ نماید، عابدترین مردم کسی است که واجبات را به جای آورد، زاهدترین مردم کسی است که از حرام دست بردارد و سخت‌کوش‌ترین مردم کسی است که گناهان را وانهد.

(تحف‌العقول: 892)
مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک