اجازه میدان خواستن حضرت قاسم علیه السلام

 

رخصت ویر عمو عازم میدان اولا قاسم

شهـزاده علـی‌اکبـره قربـان اولا قاسم

****

دنیادن ایـدن گونـدن آتام رحلت عموجان

دوتموشـدوم علـی‌اکبریله الفت عموجان

غمخواریمدی آخر او مَه طلعت عموجان

اونسوز یری وار عمروجه نالان اولا قاسم

****

من بیکسه اون اوچ ایلی یولداشیدی اکبر

یولداش دیمـه بلکه منه قارداشیدی اکبر

مین مرتبه قـارداشدان عمو باشیدی اکبر

مشگل ایله قارداشدان عموجان اولا قاسم

****

پوزقون منی گورسیدی اگـر بیر دم عم‌اوغلوم

دوزمزدی ویرن وقته منه یوز غم عم‌اوغلوم

بو مـدّتی اولموشـدی منه همدم عم‌اوغلوم

اولمـازدی رضـا زار و پریشـان اولا قاسم

****

من بیر پَری سینمیش قوشا مانندم ازلدن

وار دِلـده یتیملـوق غمی ناشادم ازلدن

چـون مِهـر علـی اکبـره پابندم ازلدن

هجرینده اونون حقلیدی گریان اولا قاسم

****

بو یولدا منـی شبـه پیمبـردن آیرما

بیکس آنامـی لیلی مضطردن آیرما

گَل جدّیوه خاطر منی اکبردن آیرما

قوی اکبریلـه ملحـق جانان اولا قاسم

****

ای کاش عمو اکبردن ازل قاسم اُلیدی

لیلایـه تاپونجـا بو غـم اَل قاسم اُلیدی

عشقونده ایچوب جام اَجل قاسم اُلیدی

نه اینکه قالوب ایمدی پشیمان اولا قاسم

****

کام آلماقا چوخ دلخوشام اوخلار قاباقیندا

عشقونده پَر اوخدان آچام اوخلار قاباقیندا

معنـاده رضـادور بـابـام اوخـلار قاباقیندا

باشدان باشا شانه کیمی شان‌شان اولا قاسم

****

هیهات عم اوغلوم غمینی باشدان آتام من

اکبـر قانینـا قـانیمی لازیمـدی قاتام من

اوز دینیمه قربان کَسیلوب کامه چاتام من

ایستر اودی اوز قانینه غلطان اولا قاسم

****

مسلم اولانـا مـرگ سعادتدی حق اوسته

مین دفعه اگر دوغرانا عزّتدی حق اوسته

وقر و شرف و شأن و شرافتدی حق اوسته

چون لاله قیـزل قانیله الوان اولا قاسم

****

کفرون علمی هر نَقَـدر تیـز یاتا خوشدی

قاسم اُله دینـی ولـی رونق تاپا خوشدی

اکبر کیمی زلفی یوزی قانه باتا خوشدی

تـا مایـۀ رشگ دُر و مرجـان اولا قاسم

****

سالما گِجـه ویـر اذن جهاد اصغره خاطر

قارداشون آنان جدّون آتان حیدره خاطره

قـوی همره اولـوم اکبریلـه اکبـره خاطر

یورقون یارالی جدّینه مهمان اولا قاسم

****

بسکه دیـدی شهـزاده یانقلی دل او شاهه

آرتوردی دیدیقجـا سوزونی نسگل او شاهه

گرچه ویروب اذن اولدی ولی مشگل او شاهه

چون بولدی گیدور ذبح لب‌عطشان اولا قاسم

****

مقصـوده اونـا کام چاتـوب خیمیه گَلدی

خوش مژده سوزون مادرینه تا دِیَه گَلدی

بیکس آنـاسین بیـرده وداع ایلیـه گَلدی

تا گوگلـون آلـوب عازم میدان اولا قاسم

****

القصّـه وداع ایتـدی او گُـل پیـرهن اوغلون

گُل تک اوپوب ایگلردی او وجه‌الحَسَن اوغلون

سالدی خانم آخر یولا شیرین سخن اوغلون

گیت سویلدی یارون حق منّان اولا قاسم

****

آردینجا مَلَر قویدی اوغول مادری گیتدی

یانـدوردی فـراق آتشینـه دللری گیتدی

آغلاتدی غمی عتـرت پیغمبری گیتدی

جبـراً هــدف نـاوک پیکان اولا قاسم

****

غـم ناقه‌سینـی صبریلـه پیلـردی سریّه

آغـلاردی نهـان ناله‌سین ایلردی سریّه

گویا توکوب اشگین بِلَه سویلردی سریّه

سندن صورا کاش عالمی ویران اولا قاسم

****

میدانه گَلوب شوقیله اُول بختی جوان تک

حملـه آپـاروب دشمنه بیـر شیر ژیان تک

توپراقه توکردی سر و تن برگ خزان تک

قویمازدی رها تیغیدن عدوان اولا قاسم

****

احسـن او رشـادت گُلونـه خار دِیَردی

حولیلـه قاچون بیر بیـره کفّـار دِیَردی

حیرتده قالوب دشمن خونخوار دِیَردی

عالم یری وار شستیوه حیران اولا قاسم

****

امّا او قَـدَر گیچمدی عرض ایتـدی او ناکام

اَلدن دیـدی گَل داده توان گیتـدی او ناکام

مقصوده او شَه گَلدی گوروب یتدی او ناکام

بو عشقه دیدی عشق فراوان اولا قاسم

****

هر چند «شعاع» ایتمدون اظهار مصیبت

اهـل دِلَـه لازیـم دَگـی گفتار مصیبت

قـاسم آدی ایلـور اوزی تکـرار مصیبت

آز غمدی مگر گُل کیمی خندان اولا قاسم

 

آندیچمرم اوجانه- شعاع تبریزی

تاریخ ارسال : شنبه 22 مهر 1396
آخرین بازدید : دوشنبه 29 بهمن 1397
تعداد بازدید کننده : 325
دفعات مشاهده : 325
» ارسال نظرات
متن پیام : *
نام :
تصویر امنیتی :
 
 
 

مدح حضرت فاطمه زهرا(سلام الله علیها)/ استاد غلامرضا سازگار

سرود ولادت حضرت فاطمه زهرا(سلام الله علیها)

آلبوم صوتی مادرانه / اجرا: سید محمد سادات اخوی

قال رسول الله صلی الله علیه وآله

گناه‌کارترین فرد در عرفات کسی است که از آن جا بازگردد در حالی که گمان می‌برد آمرزیده نخواهد شد.

(بحارالانوار:جلد 99،صفحه 248)

مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک