زبانحال امام هنگام آوردن طفلان زینب از رزمگاه

 

ویردون ره حقده ایکی قربان باجی زینب

گل آلـدی قبول ایلدی جانان باجی زینب

****

سن دلـدن اوزون تابـع عهد ازل ایتدون

عشق اهلنه اوز عشقوی ضرب‌المثل ایتدون

شـوقیلـه شئونـات وفـایه عمـل ایتدون

ویردون نه گوزل عهدوه پایان باجی زینب

****

محبوبنه هر کیمسنه بذل ایلیه موجود

اقصای سخاوتدی کرامت کرم و جود

سـن دار و ندارون ایلدون فدیۀ معبود

قویدون هامی جود اهلینی حیران باجی زینب

****

گچدون ره جانـانیده جان و جگریندن

ال اوزدون ایکی نخل محبّت ثمریندن

کسدون نظرون بو ایکی نور بصروندن

منظور ایلدی حضرت سبحان باجی زینب

****

قربانگه عشقه ایکی اوغلون باجی الحق

آرتردیلا چوخ ذوق و صفا ویردیله رونق

قربـان ویرنـه مایـۀ فخریّـه‌دی مـطلق

دورینده‌دی تا گردش دوران باجی زینب

****

بو غنچه‌لرون گور نجه گل پیرهن اولدی

باشـدان ایاقـا قانیله گلگـون کفن اولدی

نـه اوزلـری میـدان وفـاده چمـن اولدی

گویا گل آچوب لالۀ نعمان باجی زینب

****

گل خیمه‌دن ای کان ادب برجه کناره

ایلـه ایکـی مه‌پـاره‌وه بر لحظه نظاره

توک نعشلری اوسته گوزون یاشین عذاره

باش آچ یوزه توک زلف پریشان باجی زینب

****

هر چند سنه مانع اولور شرم حضوری

یوخ عذر یری باشلا باجی نالۀ شوری

عزتلریـدور شیونون اولدوقجا وفوری

نسگلدی اولا ناله‌ده نقصان باجی زینب

 ****

بسـدور بولارا ای باجی عالمـده بو نسگل

سولموشدی سارالمشدی عطشدن بو ایکی گل

بـو نسگل آنـام نایبه‌سـی حلّ اولا مشکل

جان ویردیله نه حالیله عطشان باجی زینب

****

نعش اوسته باش آچماخ بولوسن رسم جهاندور

پیرایــه عــزا مجلسنـه اشـک روانـدور

اینـدی نـه شکیبـا یریدی جامی فغاندور

گل شیونه ایت ناله و افغان باجی زینب

****

صبرین باجی بو یرده سنه عسرتی واردور

ثکلا بالاسین اوخشاسا چوخ لذتّی واردور

اوغلـی اولـن آغـلار نقدر فرصتی واردور

اوخشار نَقَدر الده وار امکان باجی زینب

****

فریـاد و فغـانه هلـه فرصتدی بو ساعت

عصر اولسا امان ویرمیه‌جاق اهل شقاوت

قمچیلـه ویـرور تسـلیت ایللّــه شماتت

هم غم‌زدنی گورسله گریان باجی زینب

 ****

آز غصه و محنت دگل ای غـم‌کش دوران

بـر دلـده چکـه شعلـه ایکی آتش هجران

بردن الیوی اوزدون ایکی جان‌تک اوغولدان

بوغمده تحمّل دگل آسان باجی زینب

****

ای محنـت غــم گلشننــون ابــر بهـاری

چوخ دولموسان ایت شدّتیله اشکوی جاری

سینونده‌کی سونمز اودا سپ گوزیاشی باری

آز شعله‌لنـه آتش حِرمـان باجی زینب

****

یارب سنی ویرم بو باجـی قـارداشا من آند

عـفو ایت منـی بو بـارده رد ایلمه سن آند

آگه‌سن اوزون صدقیله «ذهنی»دی ویرن آند

قارداش که دیدیم شاه شهیدان باجی زینب

 

آندیچمرم اوجانه- ذهنی

تاریخ ارسال : شنبه 22 مهر 1396
آخرین بازدید : سه شنبه 4 تیر 1398
تعداد بازدید کننده : 452
دفعات مشاهده : 452
» ارسال نظرات
متن پیام : *
نام :
تصویر امنیتی :
 
 
 

نوحه شهادت حضرت حمزه علیه السلام

نوحه تخریب قبور ائمه بقیع

ناد علیا مظهر العجائب / آلبوم امیر عشق

نوحه شهادت حضرت علی علیه السلام

قال الهادی علیه السلام

وقتی یکی از اهالی ری خدمت امام هادی علیه السلام مشرّف شد، حضرت پرسید: کجا بودی؟ (آن مرد گوید:) گفتم: به زیارت حسین علیه السلام رفته بودم. حضرت فرمود: بدان که اگر قبر عبدالعظیم را در شهر خودتان زیارت کنی، همچون کسی هستی که حسین‌بن‌علی علیه السلام را زیارت کرده باشد.

(میزان‌الحکمة: 2860)
مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک