زبانحال حضرت ابوالفضل به حضرت زینب علیهما السلام در مورد امان‌نامه

 

من ابوالفضلم باجی باب رجادن گتمرم

تـا نفـس وار دَرگـهِ آل عبادن گتمرم

****

دست دل محکم دوتوبدی دامن دلداردن

میـن امان‌نامـه یازیلسـا آدیمه اغیاردن

آیریلام بر لحظه امکان یوخ حضور یاریدن

وعـدۀ نامحرمـه محـرم سـرادن گتمـرم

****

عمرلردور نفسمه عشقین گوزون گوز قویمشام

سالکم کوی نگاره جان بکف یوز قویمشام

کارنامَمَ دوز محبّت پـایه‌سین دوز قویمشام

گتسه جان نقدی محیط جانفزادن گتمرم

****

مرتضـی اوغلونـدا باجـی قـدرتِ تمیز وار

خلقتاً گل گلدی مطلق خـار زهرآگین خار

سندیروب اوز قیمتین آزاده اولماز جیره‌خوار

خط مشیمدن چخوب خط خطادن گتمرم

****

شمری خوار اولسون گوروم عباسی ایتدی شرمسار

بـر امان‌نامـه گتـوردی تاپـدی متنـی انتشار

قهریلـه رَدّ اِیلـدیم گتـدی او پیــر فتنـه‌کار

بلـدی بیگانـه کنــار آشنـادن گتمـرم

****

ویرمدیم فرصت او ظالم تلّون اوسته چوخ قالا

گیت دیدیم اُلدورم ای ظالیم دونوب باخسون دالا

سکّۀ مغشـوشـوی گیت آیـری یرده خوردالا

شامِیدَه ویرسوز منه کرب و بلادن گتمرم

****

جسمده روحیم سخلدی ای بتولون مظهری

قطره قطره آخدی آلنمدان یوزه خجلت تری

کشف حالـه ایستـدی مـولا حضوره نوکری

عرض قیلدیم ظلمته من روشنادن گتمرم

****

گرچه چوخ شرمنده‌ام اولدی اولان گچدی گچن

بــر تمنـا ایلــورم باجــی عنــایت ایله‌سن

قـزلاری وحشت‌زده درک اِیلورم اَلآنـدا من

بلمیولر اَل چکوب خویش اقربادن گتمرم

****

آل کنـاره قور خوشـان قزلاری آندر بو سوزی

قورخماسونلار بو گیجه الله کریمدور گوندوزی

من اولاری ساخلارام کپریک نجه ساخلار گوزی

حافظم شخصاً نوامیس خدادن گتمرم

****

آنداولا حیثیـتِ ممتــاز آل هــاشمه

آنداولا وقت عبـادتده آخان گوز یاشمه

آنداولا اوز جانمه اوچ نوجوان قارداشمه

بر قـدم آیـری یولا راه وفادن گتمرم

****

آنداولا عطشـان دوداقـلاردا یانقلـی سوزلره

آنداولا گُل برگی تک سولموش سارالمش یوزلره

آند علی اصغـرده کی جیران باخشلی گوزلره

بندبند اولسامدا نی تک نینوادن گتمرم

****

یوخدی امکانی سیزه جرئت تاپوب بر کس دِنَه

خوابـدن هوشـه گیدن قزلار مبـادا دِسکنَه

آنــداولا مظلــوم امیــرالمــؤمنین حقنـه

واردی دردیم قلبده دارالشفادن گتمرم

****

اولماسین اجرای خدمتده منه هیچکیم ظنین

مطمئن اولسون اوشاقلار ایتمسین داد و اَنین

تـرک ایدنـده یثـربی شخصـاً آنـام اُم‌البنین

قُول آلوب مندن حریم کبریادن گتمرم

****

ایلیــوب فرمـایش عبّــاسه دل آگاهیله

سایه تک سیرایله رهبر سیر ایدن بر راهیله

سن امامه حامی اول من قالام عبدالّهیله

اَممشم دوز صود شرافتلی آنادان گتمرم 

 

آندیچمرم اوجانه- حاج انور اردبیلی

تاریخ ارسال : شنبه 22 مهر 1396
آخرین بازدید : جمعه 22 آذر 1398
تعداد بازدید کننده : 1823
دفعات مشاهده : 2044
» ارسال نظرات
متن پیام : *
نام :
تصویر امنیتی :
 
 
 

سرود میلاد امام حسن عسکری علیه السلام

نوحه حضرت معصومه سلام الله علیها

سرود آغاز امامت امام زمان (عج)

سرود میلاد نبی مکرم اسلام حضرت محمد صلوات الله علیه

قال الصادق علیه السلام

کسی که در پی برآوردن نیاز برادر مؤمن مسلمان خود باشد، تا زمانی که در فکر نیاز اوست، خداوند در پی (برآوردن) نیاز وی باشد.

(أمالی‌طوسی: 97/147)
مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک