اجازه میدان خواستن حضرت ابوالفضل علیه السلام

 

تشنه‌لبلـر ناله‌سینـدن دوندی باغریم قانه قارداش

گلدی سینم تنگه رخصت ویرگیدوم میدانه قارداش

****

خیمـه‌ده بـر پـا اولوبـدور شـورش روز قیـامت

گُوسترور بو شورِ شیون حشـرِ اعظمدن علامت

گُل کیمی سولموش سارالمش نوگل باغ امامت

دوندروب بلبل نواسین ناله و افغانه قارداش

****

خُرده قیزلار بیر طرفده هر بیری بیر حاله قالمش

ضعف ایدوب دوشموش نفسدن گُل کیمی سولموش سارالمش

صبریمی داد و فغان و شور شیون الدن آلمش

طاقت صبر قراریم گور گیدوب تالانه قارداش

****

گرچه سولموشدی سوسوزدان بیر سُولان گل‌تک سکینه

اوز غمین یـاددان چخاردوب لیک بلبل تک سکینه

اصغره لایلای دیـردی مـرغ خوشـدل تک سکینه

اوخشیوب آغلاردی عطشان حالت عطشانه قارداش

****

ویرماقا جانان یولوندا باش ندور جان بولمورم من

قیلماسام راحت سوسوز اطفالووی دِنجلمرم من

یا گیـدوب آلّام گَتورّم سو و یا کیم گَلْمرم من

تشنه جان ویرّم اوزومده سن کیمی جانانه قارداش

****

گورموسن نه حاله قالمش آل پیغمبر سوسوزدان

سس چکر بلبللر آغلار چون سولوب گللّر سوسوزدان

نُطقدن دوشموش آناسی غشّ ایدوب اصغر سوسوزدان

دِل داش اولسا گر اولار سو باخسا اول نالانه قارداش

****

کَشفینـه یـوخ احتیـاجی باخبـرسن حالتیمدن

رعشیه دوشموش وجودیم تتروری گور خفّتیندن

ویرمه‌سن رخصت یقینـاً اُلَّـم آخـر خجلتیمدن

خوشدور اُولماق دیریلقدان دویموشام بوجانه قارداش

****

نـه روا سـوزِ عطشـدن عتـرت اطهار یانسون

اَلعطش شیون صداسی خیمه‌دن عرشه دایانسون

باخسون اهل بیته سقّا قارداشون حسرتله یانسون

تاپماسون بیر چاره قالسون بیله یانه‌یانه قارداش

****

غـم یِمَـز عبّـاسون آیـا آلِ طاهـا غـم یینده

قان اولور باغریم سوسوز قیزلار منه دردین دیینده

مـن اولـوم آختـارّام آل مصطفا سو ایستیینده

کاش اجل گلسون یتورسون عمرومی پایانه قارداش

****

سنـدن اذن اُولسا گوگلـده هـر یارا واردور بتورّم

بو سوسـوزلار دَردیـن ایمدی یعنی درمانه یتورّم

بیر ایچیم سو اولسا ایکی قول ویروب آلّام گتورّم

نفع ایده شاید بو سودا لشگـر عدوانه قارداش

****

دوزدی خوف ایتمز حَرَملَر هر قَدَر منده علم‌وار

سـو خصـوصنده ولیکـن چوخ اورکلرده اَلَم‌وار

قولّاریم تک رمز عشقـون شرحنه ایکی قلم‌وار

شـرح ایدوم آلقـانمیله صفحـۀ میدانه قارداش

****

اولماسام لایق اگر مـن اولمـاقا جانانه قربان

اذن ویـر ایلوم بـو جانی اکبر عطشانه قربان

تا دیسونلر حیدر اوغلی ویردی جان قربانه قربان

امتیـاز اولسـون منیله سایرین قربانه قارداش

****

کاش اُولیدی سندن اذنیم بیرق صَوْلت ووریدیم

لشگـر کفّـاری یکسـر نـار قَهْره یاندریدیم

کربلادن شامه بیرباش هر نه دشمن وار قریدیم

گوندریدیم هم یزیـد ظالمـی نیرانـه قارداش

****

مرتضی فرزنـدیم مـن یوخدی باکیم اشقیادن

یر یوزون دولدورسا دشمن قورخمارام اصلا عِدادن

یادگار اولمـوش بولورسن صولتیم شیر خدادن

بَنـزَرَم دعـوا گونونـده سـرور مردانه قارداش

****

بـو زبانِ حالی «شأنی» گلدی یازدوقجا نوایه

یتدی کامه زایر اولدی روضۀ شمس الضُّحایه

آرزو ایلـر گلـن ایل بیـرده گلسـون کربلایه

سنده لطف ایت ایسته باری وقفه‌ای قربانه قارداش 

 

آندیچمرم اوجانه- شأنی

تاریخ ارسال : شنبه 22 مهر 1396
آخرین بازدید : پنجشنبه 14 آذر 1398
تعداد بازدید کننده : 457
دفعات مشاهده : 458
» ارسال نظرات
متن پیام : *
نام :
تصویر امنیتی :
 
 
 

سرود میلاد امام حسن عسکری علیه السلام

سرود میلاد امام صادق علیه السلام

سرود آغاز امامت امام زمان (عج)

سرود میلاد نبی مکرم اسلام حضرت محمد صلوات الله علیه

قال العسکری علیه السلام

پارساترین مردم کسی است که در هنگام شبهه درنگ نماید، عابدترین مردم کسی است که واجبات را به جای آورد، زاهدترین مردم کسی است که از حرام دست بردارد و سخت‌کوش‌ترین مردم کسی است که گناهان را وانهد.

(تحف‌العقول: 892)
مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک