استمداد حضرت ابوالفضل علیه السلام

 

اهل کین سو مشگین الده ایلدی بهانه قارداش

اولـدی پیکـریم سراسـر اوخلارا نشانه قارداش

****

سو گتورماقا خیامه سعی و همّتیم چوخ اولدی

یِتمَدیـم ولـی مرامـه نقشـۀ دلیم پوزولدی

اللریم سودان بوشالدی جام دل غمیله دولدی

دوندی اشگ چشمیم آخر گوزلریمده قانه قارداش

****

هر قدر یارا یتیشدی جسمیمه دُؤزوب دایاندیم

ووردیلا اوخی اوخ اوستن اهل کینه سهل ساندیم

قولّاریـم بدنـدن اولـدی قانـه ظلموله بویاندیم

ایلدیم گینه تحمّل جور کوفیانه قارداش

****

من سویا اولاندا مالک، صبریمی سو موجی آلدی

تا سویا الیم یتیشـدی درد و محنتیم چوخالدی

گرچه او ایکی اُووج سو گوتدوقوم یرینده قالدی

باعث اولدی بو جسارت نچه ترجمانه قارداش

****

سینم اوستـه یر ویرردوم شوقیله گلنده هر اوخ

بال و پر آچوردی جسمیم ذوقدن آچاندا پَر اوخ

اوزگه وجدیله اوچوردوم دگمَسیدی مشگه گر اوخ

حیف اولا یِتَنمدیم من بیرده آشیانه قارداش

****

نیزه و قلج یـاراسی جسمیمی ایدوبدی گُل گُل

پیکریمده باش آچوبدور هر یارا اولوبدی بیر گُل

باش باشا چاتوبـدی اوخلار سینه‌ده بسان سنبل

خاریله دونوب وجودیم طرفه گُلستانه قارداش

****

نه بو حالیـده اورکـده فکـر سوزش یارام وار

نه گوگولـده اوز خیالیم وار نه فکرت آنام وار

قلبیده سنون ملالون هر قدر که من وارام وار

قویدولار سنی کومکسیز، تُف بو شامیانه قارداش

****

نچّـه سنگـدل ستمگـر نعشیمـی آلـوب آرایه

نیزه‌پوش اولوبدی جسمیم سوزش آرتیرور یارایه

دفع ظلم ایدم الیم یوخ باری سن یتیش هرایه

من بو لشگرین الیندن گلموشم امانه قارداش

****

کاسه سـریم اولوبـدور بیـر عمـودیله شکسته

اولمیوبـدی تـار عمریم دست ظلموله گُسسته

قورخورام که ای امیدیم سن گلینجه باشیم اوسته

خار الیله دونسون آخر گلشنیم خزانه قارداش

****

مـن فـدای راه دینــم ای منیـم امیــدگاهیم

شاهدیم ایکی قلم قول بیرده اوخلی سجده‌گاهیم

قانلو مشگ قانلو بیرق صدق عرضیمه گواهیم

احتیاج یوخدور اوزگه شاهد و بیانه قارداش

****

سن تواضع ایلـه شاها قیـل‌گیلن قبـول زحمت

گل اوزون آپار سو مشگین ای مه سپهر رحمت

پاره پاره مشگیمی گر گورسه اهل‌بیت عصمت

اودلانوب باتان دلیله اود سالار جهانه قارداش

****

دین یولونـدا اهل کیندن هر قدر ستم یتیشدی

نه علمدن ال گوتوردوم قاشیمه نه خم یتیشدی

بیرقیم یاتانـدا بولدون سن منه نه غم یتیشدی

بار محنتیله دوندی قامتیم کمانه قارداش

****

سن شها بولورسن «عاصی» تکدی یوخدی دادخواهی

هر طرفـدن اهل و نااهـل تَکلیوب بو روسیاهی

بیـر سنه اولـوب امیـدی ای هامی جهان پناهی

هر ایکی جهان تیکوب گوز بیر بو آستانه قارداش 

 

آندیچمرم اوجانه- عاصی

تاریخ ارسال : شنبه 22 مهر 1396
آخرین بازدید : جمعه 30 فروردین 1398
تعداد بازدید کننده : 424
دفعات مشاهده : 424
» ارسال نظرات
متن پیام : *
نام :
تصویر امنیتی :
 
 
 

دعای تحویل سال نو / اجرا: مسعود کهریزی

ویژه برنامه فرا رسیدن بهار طبیعت وعید نوروز

مدح امیر مومنان حضرت امام علی(علیه السلام)

قال رسول الله صلی الله علیه وآله

گناه‌کارترین فرد در عرفات کسی است که از آن جا بازگردد در حالی که گمان می‌برد آمرزیده نخواهد شد.

(بحارالانوار:جلد 99،صفحه 248)

مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک