سنسیز علی روز و شب ذکریم اولوب وای اوغول
من سنـه لای‌لای دیـوم یا دیوم ای وای اوغول
****
اوچ گیجه گوندوز علی هر نه دیدیم یاتمادون
باشداکی سو فکرینی باشدان اوغول آتمادون
ویرمدیلــر سـو سنــه مقصــدوه چاتمادون
من سنه لای‌لای دیوم یا دیوم ای وای اوغول
****
دل یوخیـدی حالـوی ایلیه‌سن یـاخشی فاش
یاندون اوغول آغلادون سینه‌می ایتدون خراش
منـده ئولیدیم سنـی گورمه‌میش اوّلده کاش
من سنه لای‌لای دیوم یا دیوم ای وای اوغول
****
دوتموسان اُلفت علی گوریله پستانیله
آچدیلا صوددن سنی زهریلی پیکانیله
قویدیـلا یاخشـی منـی ناله و افغانیله
من سنه لای‌لای دیوم یا دیوم ای وای اوغول
****
گیتمز علی سینـه‌دن درناقوون یرلری
حشره گلنده آنان تک بو یری گُستری
فاطمه‌نی یاندیردی آغلاتدی پیغمبری
من سنه لای‌لای دیوم یا دیوم ای وای اوغول
****
گه سنی بوش دُؤشلره سالدیم اوغول آغلادیم
گوردیم علـی اوزمیسن اللـروی باغلادیم
اکبـر آنـاسی کیمی منده جگـر داغلادیم
من سنه لای‌لای دیوم یا دیوم ای وای اوغول
****
خیمه‌لری سو دیوب هر نه دولاندیم علی
اولمادی بیر کیمسه‌دن چاره دایاندیم علی
گـاه اوز احوالیمــه گـاه سنـه یاندیم علی
من سنه لای‌لای دیوم یا دیوم ای وای اوغول
****
سسلر او ساعت آنان گر دوشه بیرگون اله
سو ایچـه سیراب اولا دُؤشلرینه صود گله
یوخ داخی منده علی صبر و دل و حوصله
من سنه لای‌لای دیوم یا دیوم ای وای اوغول
آندیچمرم آوجانه- صافی
