حالات روز عاشورا

 

بیرگوندی بوگون ملک‌لر آغلار

زهـرا بـاش آچوب پیمبر آغلار

****

ممکن اولا ذات ذوالجلاله

فریـاد و فغـان و آه و ناله

بی‌شک باتار غـم و ملاله

بو گونده خدای اکبر آغلار

****

گوگ اهلی دوتوب عزا حسینه

آغـلار هـامـی ماسـوا حسینه

ایلـورله بـو گـون نـوا حسینه

باطنده تمام یرلر آغلار

****

بوگــون پـوزولوبـدی رکـن ایمان

یتمش ایکی جان وئروب سوسوز جان

قانیلــه متــرجم اولــدی قــرآن

پیغمبر اولوب مکدر آغلار

****

بوگونده حسین ال اوزدی جاندان

گئچـدی نچـه ماهـرو جـواندان

گئچمـز آناسـی یقیـن او قاندان

تا واردی جهان او مضطر آغلار

****

بیر اوخلی سو مشگی قانلو بیرق

اسلامـه بو گون وئروبـدی رونق

ئولـدوردیلـر اهـل حقــی ناحق

بو ظلمی ائشیتسه کافر آغلار

****

عباسه بوگـون حسین باخاردی

باخدوقجه او گوزیاشی آخاردی

قارداش قـاننی یـوزه یاخاردی

اهـل ملکوت یکسـر آغلار

****

یخدیـلار او قـوم کینه همـدم

صـاحب علمـی علملـه بـا هم

شمشاد کیمی قدی اولوب خم

سـرو سمـن و صنوبر آغلار

****

گور اکبری غـرق لجّه‌‌ی خون

لیلانی بو غصه قیلدی مجنون

بول ایمدیده آغلیور او محزون

ذکر ایلـر آدیـن مکـرر آغلار

****

آغلا گوزوم آغـلا دورمـا سنده

گـور لیلینـی، اوغلنـی گـورنده

سس چکدی بولوب او گل بدنده

اوخ یاره‌سی زخم خنجر آغلار

****

تا حرملـه گوزلـرین دوتـوب قان

سسلندی کمان، اوخ اولدی پرّان

قان اولـدی بو حالـه قلب پیکان

معنـاده خـدنگ پرپر آغلار

****

گوردی سو وئرور خدنگ آچوب پر

سـو فکرینـه دوشـدی تشنه اصغر

اوخـلاندی سـوسـوز او غنچـۀ تر

باغ و چمن و گل تر آغلار

****

بوگـون سـو یرینـه قـان ایچیلدی

اصغـر ولی چوخ ایچوب سئچیلدی

اوخ گئچمدی چون بوغاز بیچیلدی

باشدان باشا حلق اصغر آغلار

****

بیر شام بوگون اوگون دوز اولدی

موسایــه خـدا دیـن سؤز اولدی

هر یـاره حسینـه بیـرگوز اولدی

اوز حالنـه قـان او پیکر آغلار

****

شمر ائتمدی شرم مصطفـادن

ال چکمــدی شـاه کـربلادن

کسدی باشنـی سوسوز قفادن

گه خنجر و گاه حنجر آغلار

****

شمر النده گلنده قانلو خنجر

دیشـره توکلوب بنـات حیدر

یـوز قویدیلا قتلگاهه یکسر

قرخا کیمی قاره معجر آغلار

****

بوگونده ستم گویـه دایاندی

اود وردیلا خیمه‌گاهه یاندی

بوگـون حـرم خـدا تالاندی

آل‌اللّهه عرش داور آغلار

****

بولمورلـه بـو گونـده نه خبر وار

بو نوحـه‌ده «صافی» بیر اثر وار

اهـل دل اولان بیلــر نه‌لـر وار

هر بیتنی ایلر ازبر آغلار

 

آندیچمرم اوجانه- صافی

تاریخ ارسال : شنبه 22 مهر 1396
آخرین بازدید : یکشنبه 17 آذر 1398
تعداد بازدید کننده : 950
دفعات مشاهده : 1006
» ارسال نظرات
متن پیام : *
نام :
تصویر امنیتی :
 
 
 

سرود میلاد امام حسن عسکری علیه السلام

نوحه حضرت معصومه سلام الله علیها

سرود آغاز امامت امام زمان (عج)

سرود میلاد نبی مکرم اسلام حضرت محمد صلوات الله علیه

قال الجواد علیه السلام

هر که قبر عمّه ام را در قم زیارت کند، پاداشش بهشت باشد.

(البحار: 265/3/1)
مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک