زبانحال امام در آخرین وداع

 

آغلامـا باجی چوخ ایتمه ناله و فغانی زینب

آغلادور سنون بوحالون جمله ماسوانی زینب

****

دورما باجی گیت خیامه چوخ باخوب بوحاله یانما

قاتلیمـه عجـز قیلما دورما بوردا گیت دایانما

منکه باتموشام بوقانه باری سن باجی بویانما

یتدی موقع شهادت آیریلیق زمانی زینب

****

سن باجی قیت خیامه واردی بوردا اوزگه حالت

قاتلمـده شـرم یوخـدی ظلمده ایدر جسارت

باغلیون بلیزی محکم قسمتوز اولوب اسارت

بو اسارتوزده واردی حکمت نهانی زینب

****

گلسه هـر قدر مصیبت دوز گلن باجی بلایه

پوزما اوز وقار و شأنون راضی اولگلن قضایه

گویلون ایسته‌سه حسینی بیرده باخگلن جدایه

وار بو باشمون غریبه جوربجور مکانی زینب

****

بسلیوب بو باشی زهرا سینه‌سینده یا گل اوسته

لازمه دوشوبدی بلبل خواب ایله‌سون گل اوسته

بوگجه ویروله منزل باشمی باجی کول اوسته

حیرته سالوبدی صبریم جمله انبیانی زینب

****

گاهی نیزده بو باشی کوفه‌نی دولاندورالار

حقمـی ایده‌لـه ناحق کوفیانه قاندیرالار

سیزلری اسیر ایده‌لر ظلم اودیله یاندیرالار

آشکاره حقه عنوان ایلرم قرآنی زینب

****

دوشدوله بوقوم مندن یکسره بوگون عناده

قیـد سلسلــه ورالار حجـت خـدا عباده

سیزلـری چکله یکسر مجلس ابـن‌زیاده

بیر به بیر گوره‌سن اوندا جمله ماجرانی زینب

****

باشلیوبله جور و ظلمی اهل‌کینه جمله باشدان

باشمـی آسالاگاهی کوفه‌ده باجی آغاشدان

انتقام آلـور عجوزه داش ورار بلالی باشدان

آغلادور اونون او ظلمی اهل آسمانی زینب

****

عشقمه قالوبـدی مبهوت چرخده باجی مسیحا

بحر فکره غرق اولوبدی حسرته دوشوبدی موسی

باشمـی ایـدر عیـادت دیـرده منیم چو عیسی

دعوت ایلرم او شبده رأس راهبانی زینب

****

واردی باشیمین بلاسی شور عشقلی هماره

یوخدی دلده تاب و طاقت بربه‌بر ویرم شماره

گاهی ظلمـن قویالار باجـی مجلس قماره

باک یوخدی لبلریمه ورسا خیزرانی زینب

****

بسکـه کینـۀ قدیمـی ایلیوب اونی بـدعادت

ظلمیده‌ ایدر چوخ اسراف چوخ ایدر باجی جسارت

گه آغـاج ورار لبیمـدن گه گلـر ایدر شمادت

قلب محکمیله صبر ایت قلبیمین توانی زینب

****

چکمرم بو عشقدن ال تا یتم گرک مرامه

سر حکمتیلـه مقصـد تا یتـه باجی تمامه

حجت ایلرم اقامـه منطقـاً من اهل شامه

گاهی نیزه گاهی طشده باشلارام قرآنی زینب

****

آغلا باجـی آخوبدور قلبمون اگر چه قانی

قطره سینده واردی دریا سر حکمت نهانی

روشن ایلیم گرکـدی حق یوزیله ماسوانی

پایدار ایدم مرام حی لامکانی زینب

****

راه عشقده یوخومدور فکر جاه و مال و اولاد

درسمـی وروبـدی اول او یگانـه گونـه استاد

گرم اولوب بوگون تجارت باشلانوبدی داد و بستاد

اودلاسونلا قوی خیامی نیلرم جهانی زینب

****

روسیاهدور زبـر دست یوخ الونده اوزگه حجت

برامیدی وار حسینه چون او دور عمومه رحمت

اولمورام خلاص غمدن همدمم اولوبدی محنت

دورموشام قاپوندا نالان ایسترم شفانی زینب

****

آغلاسا حسینه هر کس ارجمند اولار جهاندا

واردی عـزتی همیشه هـر زماندا هر مکاندا

بـرده دادیمه یتیدی یعنی جـان ورن زماندا

حسرت ایلرم همیشه بیر ایله زمانی زینب

 

آندیچمرم اوجانه- شأنی

تاریخ ارسال : شنبه 22 مهر 1396
آخرین بازدید : پنجشنبه 14 آذر 1398
تعداد بازدید کننده : 582
دفعات مشاهده : 584
» ارسال نظرات
متن پیام : *
نام :
تصویر امنیتی :
 
 
 

سرود میلاد امام حسن عسکری علیه السلام

سرود میلاد امام صادق علیه السلام

سرود آغاز امامت امام زمان (عج)

سرود میلاد نبی مکرم اسلام حضرت محمد صلوات الله علیه

قال العسکری علیه السلام

پارساترین مردم کسی است که در هنگام شبهه درنگ نماید، عابدترین مردم کسی است که واجبات را به جای آورد، زاهدترین مردم کسی است که از حرام دست بردارد و سخت‌کوش‌ترین مردم کسی است که گناهان را وانهد.

(تحف‌العقول: 892)
مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک