زبانحال جناب عبدالله‌بن‌حسن علیه السلام

 

ایستورم عمّه قویام رزمه قدم دوتما منی

عشقه باخ سنّمه باخما بله کم دوتما منی

****

عمومون گلدی سسی بیر هیجان گتدی منه

فرصتیـم یوخ ایلیم حالمی تعریف سنه

عــاردور غیــرت اولاد امــام حسنـه

بِلَه که شمر قویوب عرشه قدم دوتما منی

****

مانـع اولمـا منه سن عمّـه اوزاقدور سفریم

سندیروب قلبمی قاسم کسلوب بال و پریم

اوچاتوب مقصده من قالمشام ای تاج سریم

اوگیدن شهره گرگ منده گیدم دوتما منی

****

بونـدان آرتوق نه روا باشی اشاقه دولانیم

عمومون کلفتی هر سفـره سالاندا اوتانیم

عمودا گیتدی داخی کیمدی الیمدن دوتانیم

سایه‌سیز قالدی سر اهل حرم دوتما منی

****

بیـر اوشـاق کـه آتانـون گورمیـه دنیاده یوزین

ئوزگه‌لر وصف ایده سوز دوشسه قاشین یا که گوزین

جان ویرر تا گوره بیرگون آتانون شخصاً ئوزین

ایستورم جان چخا جانانی گورم دوتما منی

****

باخ بو حسرتلی باخان گوزدن آخان گوزیاشما

باشمون فکرینی ایتمه منی قوی ئوز باشما

گورسـدیم قـدرت عشقـی آتامـا قارداشما

ئوز عمـومدان ایلیـوم دفع ستم دوتما منی

****

الغرض قوش کیمی الدن قوتاروب شهپر آچوب

اوبلیـن باغـلادی مرگـه آنـاسی معجر آچوب

گوردی بلبل اوگوزل سینـه عجب گللر آچوب

شمره امّـا دیـدی ای کینه شیم دوتما منی

****

یا گوز آچ بیر باشون اوستنده حق داوره باخ

یـا اوتـان بوایـاقون آتـدا گل پرپـره باخ

بوسه‌گـاه لـب جـان پـرور پیغمبـره باخ

یا سو ویر یا چکیل ای کان ستم دوتما منی

****

گوردون ئوزمیلوه بو چرخ ایلین گردشی‌سن

کیمه خاطر ایدوسن بیر بله ننگین ایشی‌سن

ایوی ویران اونی بوشلا منی ئولدور کیشی‌سن

یولومی گوزلور آتام شاه اُمم دوتما منی

****

ئوزینی ایستدی آتسون عمونون سینه سنه

ناگهان دوشدی گوزی خنجرون آئینه سنه

بیر قولین ایتـدی سپر دشمن پر کینه سنه

شمر سسلندی غنیمتدی بودم دوتما منی

****

من گرگ فاطمه‌نـون قلبنـی ناشاد ایلیم

طویلارین ماتم ایدوب فتنه‌لر ایجاد ایلیم

بو یاریم گونده بنی هاشمـی بـر باد ایلیم

موعظه ایلمه ای عقـل، حکم دوتما منی

****

باخمـادی عقـل ایلیـن موعظیه شمر دنی

اندیروب تیغـی کسـوب شاخۀ سرو حسنی

دیدی اوخشاتدون عجب ئوز عموم عباسه منی

وور بوبیـرسی قولیـدا ایله قلم دوتما منی

****

باسدی قولسـوز بدنـی باغرینـا زهرا بالاسی

عرض قیلدی عمو قول دوشدی سیزیلدار یاراسی

آخ او عبّاس عمومون سینَمه گلسون قاداسی

ایندی بلدیم نئدوب اول کان کرم دوتما منی

****

منی قیتر آناما خیمه‌ده گورسون یارامی

ئولدورور کوفه‌لی میداندا آدامسیز آدامی

همنشین ایلدیم عباس آناسیلان آنامی

ایکی غمدن اولاجاق قامتی خم دوتما منی

****

بـالیـا سینـه‌ده ایستــوردی اولا حافظ عمو

روحی بیر شهقه چالوب سسلدی یا حافظ عمو

گوردی غیب عالمین عرض ایتدی خداحافظ عمو

بوشـلا گلدی آتام ایستگلی نَنم دوتما منی 

 

آندیچمرم اوجانه- منزوی

تاریخ ارسال : یکشنبه 23 مهر 1396
آخرین بازدید : جمعه 26 بهمن 1397
تعداد بازدید کننده : 439
دفعات مشاهده : 441
» ارسال نظرات
متن پیام : *
نام :
تصویر امنیتی :
 
 
 

مدح حضرت فاطمه زهرا(سلام الله علیها)/ استاد غلامرضا سازگار

سرود ولادت حضرت فاطمه زهرا(سلام الله علیها)

آلبوم صوتی مادرانه / اجرا: سید محمد سادات اخوی

قال رسول الله صلی الله علیه وآله

گناه‌کارترین فرد در عرفات کسی است که از آن جا بازگردد در حالی که گمان می‌برد آمرزیده نخواهد شد.

(بحارالانوار:جلد 99،صفحه 248)

مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک