آغلاردیـر زهـرا ایــوای حسینیم وای
آلقان اولان غسلی وای نور عینیم وای
ایوای حسینیم وای وای نور عینیم وای
****
ای نازنین جسمی تیره اولان آماج
ای خیمه‌گاهینی دشمن ایدن تاراج
ای عترتی یکسر بر معجره محتاج
ایوای حسینیم وای وای نور عینیم وای
****
ای ظلـم اعـدادن توپـراق اولان فرشی
ای گـون قباقینـده عریـان قالان نعشی
عریان قالان نعشی قان آغلادان عرشی
ایوای حسینیم وای وای نور عینیم وای
****
ای سو کنارینده جان بذل ایدن عطشان
تابوتـی پیکانـلار غسلـی اولان آلقــان
ای بیکفـن جسمین پامـال ایدن عدوان
ایوای حسینیم وای وای نور عینیم وای
****
ای دوغرانان یتمش بر یار و انصاری
قانــه باتــان یکسـر یـار و هواداری
ای جان ویرن تشنه قولسوز علمداری
ایوای حسینیم وای وای نور عینیم وای
****
ای آیریلان حسرت اهل و عیالیندن
ای اَل چکن یکسر جاه و جلالیندن
ای چخمیـان بر آن زینب خیالیندن
ایوای حسینیم وای وای نور عینیم وای
****
ای گُلشن عیشی تـاراج اولان خاره
ای اکبری گُل تک خار ایله صد پاره
چوللـرده لیلاسی مجنـون تک آواره
ایوای حسینیم وای وای نور عینیم وای
****
گوزدن یوزه هر دم توک اشگ سوزانی
تا محـو ایده دلـدن حق نقش عصیانی
خوشدور «شهاب» ایتسن تکرار عنوانی
آغلاردیـر زهـرا ایــوای حسینیم وای
ایوای حسینیم وای وای نور عینیم وای
آندیچمرم اوجانه- شهاب
