نوحه قتلگاه کربلا

 

خیمه‌دن گوردوله زهرا قیزی میدانه گلور

دیه‌سن یانماقـا اوز شمعینـه پـروانه گلور

****

کوفه‌ده قانه باتـان گون آتاسی شیرخدا

مسجده گتماقینا مانع اولوب شرم و حیا

کربــلاده نــدور عـلّت او دُرِ کنـز وفا

اللری باشدا گیدور خیمیه میدانه گلور

****

گون کیمی اولدی عیان شرق خیمدن او زمان

یـوز قویـوب قتلگهه دختـر سلطان جهان

زینبین عشقینه حیرتـده قالوب کون و مکان

شیر تک رزمگهه بسکه دلیرانه گلور

****

اوج صبر اوسته وفا پرچمـی همتله ساچور

دلده‌کـی عشـق دلیلـی ره مقصودی آچور

اللرین باشه قویوب گاهی یرور گاهی قاچور

اود سالور نه فلکه ایله یانا یانه گلور

****

دلد‌ه‌کـی عشقینـی عالملـره اعلان ویروری

قلب مجروحی گوتوردوقجا قدم قان ویروری

گوروری قارداشی میداندا سوسوز جان ویروری

اشکیله سو سپه لعل لب عطشانه گلور

****

دلده‌کی سوز غمی یاندوروب افلاکی یاخور

یتشـوب تلله یـوزه گوز یاشی دُرّ تک آخور

یارالـی قارداشینـا بویلانـور حسرتله باخور

نه گورور شمر دنی مصرع سلطانه گلور

****

سعی ایدور قارداشینا بلکه اوزین تیز یتوره

دلده هجران یاراسین مرهم وصلـی یتوره

دختر شیـر خـدادور اوزیـن حاشـا ایتـوره

عرصه گاهه ایله زهرا قیزی مردانه گلور

****

سانما بیر ذره وقارین پوزوب اول گوهر پاک

کوکب بـرج شهامتـدی دیمـه ایلـوری باک

حالی پوزقوندی یاخوندور ایلسون غصه هلاک

پوزقون احوالنی هر کیم گورور افغانه گلور

****

روز امیــد آچـان وقتـده تیـره شبـه یول

اوزینـی لشکـره وردی آچـا تا مطلبه یول

گوردی بو حالی قشون اهلی آچوب زینبه یول

بولدولر عشق شراری سالوب اود جانه گلور

****

بیربیره سویلـدی بـو فاطمه ریحانه سیدور

گورموسوز باک ایلمور چون علی دردانه سیدور

قـارداشی شمع وفـادور بـودا پروانه سیدور

عالمـه نه ایلـه شمع نـه بلـه پروانه گلور

****

گر دیسـاق حوریدی یوخ حوریده بو پایۀ شور

عشق سرمشقینی موندان گرک آلسون هامی شور

گـوروری قتلگهـی چولقـالیـوب شعلـۀ نــور

ظلمت غمـدن اودور روضۀ رضوانه گلور

****

قلبی اودلار اورگی اولسـا غریبین یارالی

دُوزَه بُلمز گـوره محبـوب حبیبین یارالی

عشق بیماری اودم تاپدی طبیبین یارالی

نه طبیب حشره دین عالم اونا درمانه گلور

****

ایستدی قتلگه عشقه خانم سالسون اوزون

یارالی قارداشینا شرح ایلسون دلده سوزون

باغبـان چمـن عشق آچوب قانلی گوزون

نگـوروب بلبـل غملـی گلستــانه گلـور

****

سسلدی سالدون عجب وقته منی یاده باجی

یالقوزام بولدون اودور گلموسن امداده باجی

آشنـا اُول غمــه گلمــه بلـه فریـاده باجی

سیل گوزون یاشینی چوخ آغلاما بیگانه گلور

****

بیر سوزوم واردی باجی عمده وصیتدی سنه

سویگلـی نازلـی رقیّـم چـون امانتـدی سنه

جان سنون جان بالامون گرچه اذیتدی سنه

آغـلارام نالیه گورسم مـن او دردانه گلور

****

گوردی شه آز قالوری عمـر گلستانی سولا

گل رضا اولمادی بلبل گوزی اشکیله دولا

خیمیـه بیـر دلیلـه زینبینـی سالـدی یولا

ایله قارداش باجی گور عالم امکانه گلور

****

دیمه قارداشدان اودَمدَه باجی دویدی گیدیری

جسمیدن مهر و وفا رختینی سویدی گیدیری

قتلگه ایچـره ولـی روحینـی قویدی گیدیری

خیمه‌ده قارداشینا قورسون عزاخانه گلور

****

خیمه‌ده گوردولـه گون باتدی قرایللر اَسَر

بیـربیـره سویلـدی میدانـدا قیامتدی مگر

گوز تکوبله یولا حیران گوره‌لر وار نه خبر

گوردولـر زینبین اللر بویانوب قانه گلور

****

یتدی خرگاهه خانم دوره‌سین آلدی بالالار

باغبـان اولماسا واضحـدی که گللر سارالار

دیَـه بلمـور شـه ئولوب قلبلرین غم یارالار

بو محـن ایله گـران زینب نالانه گلور

****

یوز دوتـوب حضرت کلثومه دیدی آغلا باجی

ویردی جان قارداشیمیز سینه‌وی گل داغلا باجی

دستگیـر اولماقـا محکـم بیلـوی بـاغلا باجی

دیمـه بـرده باشوین محنتی پایانه گلور

****

خیمیه قاره چکاق اُلدی حسین گتدی اساس

خیرداجـا قیزلارا گیدورسن اوزون قاره لباس

مـن سالـوم نظمـه عـزادارلری باشلانا یاس

خیمیـه ایمدی آنام شام غریبانه گلور

****

قوردی بیر بزم عزا زینب آی اولدوزلارینان

نی کیمی داده گلوب لیلی اوغولسوزلارینان

قول بویون اولدی رقیـه بالاجا قیزلارینان

گور ایله بزم عـزا بیرده بو دورانه گلور

****

آغلاشوردی بالالار گوردوله بیر سس اوجالوب

ازدحـامیلـه گلوللـر گـورن حیرتـده قـالوب

بیر بیره سویلدیلر کیمدی بولار یاده سالوب

تسلیت ویرماقـا بـو جمع پریشانه گلور

****

دیدیلر یوخدی بیزیم بیر کسیمیز داده گله

باغبان اولماسه کیم همدم اولار غنچه گله

فکـر ایدولر نه حکایتـدی گلوب مطلب اله

گوردولـر لشکر کین خیمیه تالانه گلور

****

دیمورم عشقین اوگون قافله سی دوشدی گجه

لیک بولمم نجه زینب گونوزی ایتدی گجه

او یانـان خیمه‌ده زهـرا بالاسی یاتدی نجه

یانسون هانسی غمه زینب غمی گور سانه گلور

****

یوخدور عباس اوزی مخیمده ویروردی گجه پاس

گوردی بیر آتلی گلور لیک گیوب قاره لباس

دیدی دشمنـده گلور غارته یوخ بیزده اساس

گجه وقتـی حرمه کیمدی نه عنوانه گلور

****

فکر ایدور کیمدی بو آتلو گوره‌سن یاللعجب

تا یاخونلاشدی گوروب اوز آتاسی شیر عرب

سسلنــور قوخمــا قیــزیم زینب زینبd

مرتضادور حرمـه باغـری دولوب قانه گلور

****

ای سلیمـان وفـا خسـرو اقلیـم محـن

درگهوندن الی بوش ایلمسن سائلی سن

الده بیر پای ملخ تحفه‌سی ای شاه زمن

مـور تک «اعظمی» درگاه سلیمانه گلور

 

آندیچمرم اوجانه- اعظمی تبریزی

تاریخ ارسال : یکشنبه 23 مهر 1396
آخرین بازدید : چهار شنبه 20 آذر 1398
تعداد بازدید کننده : 1312
دفعات مشاهده : 1416
» ارسال نظرات
متن پیام : *
نام :
تصویر امنیتی :
 
 
 

سرود میلاد امام حسن عسکری علیه السلام

نوحه حضرت معصومه سلام الله علیها

سرود آغاز امامت امام زمان (عج)

سرود میلاد نبی مکرم اسلام حضرت محمد صلوات الله علیه

قال الصادق علیه السلام

کسی که در پی برآوردن نیاز برادر مؤمن مسلمان خود باشد، تا زمانی که در فکر نیاز اوست، خداوند در پی (برآوردن) نیاز وی باشد.

(أمالی‌طوسی: 97/147)
مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک