تنور خولی، زبانحال حضرت زهرا سلام الله علیها

آچ گوزون ای نخل دینه سو ویرن قانی اوغول
کوللر اوستونده یاتـوب یاندیرما زهرانی اوغول

کربلانی سیـر ایـدوب نی‌تـک نـوایه گلمیشم
دوشمیشم بـاشون دالینجا مثل سایه گلمیشم
بـاشیـوه بـاش چکماقا مطبخ سرایـه گلمیشم
                        باشیـوین زهـرا اولا ایکاش قربـانی اوغول

بو باشا حسرت چکر بالین اولا گیسوی حور
کیـم گوروب مشکوة نـوره یر اولا کنـج تنور
رشک آپـارسا بو یره واردور یـری وادی طور
                  طور سینانی بو نور ایتمیشدی نورانی اوغول

کیم سنون تک باش ره جاناندا شاباش ایلدی
مـوسی عمـران یـد بیضـا سنی فـاش ایلدی
طور سینادن باشون بـو مطبخی باـش ایلدی
               بو باشین نوری قویوب حیرتده موسانی اوغول

قویما یانسـون آتش حسرتـده دل نار غمه
ناز ایدوب گوزیاشیمی نازونله دوندرمه یَمه
یاتما بیلـه کـوللـر اوسته گـل یارالی سینمه
                      شاد قیل لطفونله بو محزون نالانی اوغول

نه روا یاتسون کـول اوستـه مطلع انوار حق
منـزل ایتسـون مطبخـی گنجینۀ اسرار حق
بـولموری خولی مگر سنسن ایدن اظهار حق
                      یا ایشتمـوب قصّه جانسـوز یحیانی اوغول

چوخ محقّـردور یـرون ای کوکب صبح ازل
آیــۀ الله نــور سنسـن عـالـمــده مثــل
آتش ظلمی ایدوب حقّونده خولی مشتعل
                       یاندیروب بو نار غمله قلب طاهانی اوغول

چـوللـره سالـدون غمـونده بو محن آواره‌سین
غملـرون یـاندوردی زهـرانون دل صدپاره‌سین
قارداشون جدّون آنان اوپدی بوغازون یاره‌سین
                        لرزیـه نالم گتـوردی عرش اعلانی اوغول

نعشون اوسته باش آچوب ای وای اوغولوای چوخ دیدیم
اوپمـاقـا بـیــر عضــو سـالـم پیکـرونـده یـوخ دیـدیم
قلبـوین پیـکان یـرین اوپـدوقجـه یـانـدیم اوخ دیـدیم
                    چرخ چارمده گتوردیم درده عیسانی اوغول

وار یـــری آهـیـم شــرر بــوکـون امکـانـه سـالا
چون قولوم قاخماز منیم دشمن ووران گـوندن بالا
یوخسا قویمازدیم یوزی قویلی سنون نعشـون قالا
            دوندرردیم آرخان اوسته من اوغول جانی اوغول

گلستان عشقده سولمیشدی گوردوم گُل‌لرون
نطقـدن دوشمیشـدی جـور خاردن بلبل‌‌لرون
اودلانـوب قلبیم گورنـده یـوخ بیلـکده اللرون
            کسدی هانسی اهرمن دست سلیمانی اوغول

بـوردا آلـدی صبـریمـی دلـدن بو رأس انورون
اوردا یـاندیردی یـانان قلبیمی باشسیز پیکرون
بارماقون بجدل کسوب غارت ایدوب انگشترون
               حشره‌دین آغلار قویوب بو دیده گریانی اوغول

قتـلـگـاه کــربــلا بنــزر پــوزولمــوش گـلشنه
ئـولـدی یـار و یـاورون ال تـاپدی اهـریمن سنه
دورت‌مین اوخلی کوینگون‌ده غارت اولدی دشمنه
              قویدی عور اعدا او جسم قانه غلطانی اوغول

آل سفیـانین اوغـول ظلمـی کچـوب اندازه‌دن
لاله‌تـک بـو داغلـی قلبیم داغلانوبدور تـازه‌دن
پیکرون قرآن کیمی گوردوم چیخوب شیرازه‌دن
                     گوییـا اوراق ایدوبلـر یـرده قرآنـی اوغول

بو «شعاع» بحر گُنهده غرقدور حیران قالوب
چاره‌دن آخر اولوب بی‌چاره غم صبرین آلوب
چون سیه‌رو کلب اوزونی بو نمک‌‌زاره سالوب
       ایسته حق بوینوندان آچسون قید عصیانی اوغول

 

آندیچمرم اوجانه- شعاع

تاریخ ارسال : یکشنبه 23 مهر 1396
آخرین بازدید : چهار شنبه 8 بهمن 1399
تعداد بازدید کننده : 3019
دفعات مشاهده : 3457
» ارسال نظرات
متن پیام : *
نام :
تصویر امنیتی :
 
 
 

مدح و مرثیه حضرت ام البنین سلام الله علیها

نوحه حضرت ام البنین سلام الله علیها

مدح حضرت ام البنین سلام الله علیها / محمدسعید میرزایی

نخل میثم / مروری بر زندگی و آثار استاد غلامرضا سازگار

قال رسول الله صل الله علیه واله و سلّم

برترین ایمان این است که بدانی خداوند همه جا با تو است.

(میزان‌الحکمة: 612)
مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک