زبانحال حضرت زینب سلام الله علیها خطاب به سر برادرش

نیزه باشندا باشون گلموش بیانه قارداش
قـرآن تـلاوت ایلــر قــرآنیـانـه قارداش
سیر جهـانه چخموش اوج سنانه قارداش
سیرینده رهبر اولمُوش بیرکاروانه قارداش
                      بیـر کاروانـدا رهبـر اهل جهـانه قارداش

یتدی دُونَن گـون اورتـا گـون تک زواله باشون
گــوردوم جــداده بنــزر بــدر کمـالـه بـاشون
دوتموشـدی پـرده پـرده قـانیلـه هالـه باشون
گیتدون کول اُسته یاتدون دوندی هلاله باشون
                   بیر گونده تیز دونرمیش دور زمانه قارداش

بیر باش که آیت اولسون آیه به آیه نوره
نور رُخیله دُونسون صحرا و دشت طوره
مینلَر کلیم عشقی سالسـون اوطور شوره
انصافـدور اوبــاشی خــولی قویـا تنوره
                     مهمان یک شَبیدون اول میزبانه قارداش

الله نــور- نــوری وار نـاصِیَنــده پیـدا
مشکوتی نوک نیزه مصباحی حُسن زیبا
نه شـرقی و نه غـربی نـور منیـر بطحـا
بوقوم بی‌بصیـرت گـورمز بـو نوری دردا
                      بیگانـه گـوز گورنمـز نـور یگانه قارداش

ای مـاه چــارده شـب وی یکشبـه هلالیم
آشفتـــه روزگـارون آشفتــه وضـع حـالیم
شاهـد بـو قـانلـو زلفیـم خوناب اشگ آلیم
سن مندن آیریلارسان گیتمزدی هیچ گمانیم
              گلمزدی بیرگونومده سنسیز گمانه قارداش

حاشا بـو آیـریلیقـدا دلـده گلایَم اولسون
قوی پایۀ غمونجه عشقونده پایَم اولسون
غم مصحفونده باری بیر آیـه آیَم اولسون
سایونده دالدالانّـام عالمده سایَم اولسون
              سایونده دالدالانماق حقیمدی یا نه قارداش

بو سایه سایه سینـده پاینـده دولتیم دور
تسخیر ملک هستی معطوف همّتیم دور
ترویج دین و مذهب رسم طـریقتیم دور
بیر جمع قاره معجر مجمـوع قـدرتیمدور
                        قیـد اسـارت اَلـدَه راه بهـانه قـارداش

تسخیر قیلماسام گر آفاقی غـرب و شرقی
عرشه اوجاتماسام گر بو سرشکسته فرقی
یـاندیرمـاسا یزیــدی بـو آه سـرد بـرقی
اونـدا وفـای عهـد و سنماقینون نه فرقی
      سوزدور سوزوم بوسوزدن غیری فسانه قارداش

ای آبـــروی خلـقـت وی افتـخـار زینب
سنـدنصورا چوخالموش شأن و وقار زینب
دنیا بویونجا قـالسون قـوی یـادگار زینب
هـم آبــروی زینـب هــم اعتـبــار زینب
                     گلمز بو آبروده کیمسه جهانه قارداش

بیزدَندی جمله کون و امکانون آبروسی
بیزدَندی آب و گلـدن انسانون آبروسی
وار بالخصوص منـده زهرانون آبروسی
صـرف‌نظـر بولاردان وار قانون آبروسی
        باشدان آخوب بویانموش یوز گوز اوقانه قارداش

آنـد ایچمـرم اوجـانه تـا نقص عـزّت اولسون
سـوگنـد او خـاک پاکه کویوندا تربت اولسون
زینبــده گـور نـقـدری لازم‌دی همّت اولسون
شام ایچره عرش منبر سجّاده قسمت اولسون
                 مـدح علـی دیولسـون سفیانیانـه قارداش

قان قان دین بو شهرین قان یاغدیرور هواسی
بــوی جنــایتیـلـه ممـلــوّ دور فـضــاسـی
عیــد عظیمـه دونمـوش دیـن مُبین عزاسی
بیـریـاندا کف چـالوللّار بیریاندا دَف صـداسی
                 هریـان نوای نای و چنگ و چغانه قارداش

گوردوم بو پست قومون رفتارینی دونَندَه
شرم و حیا تاپولماز بولدوم چالوب گولَندَه
بیـر انقـلاب روحـی پیـدا اولوندی منده
بـو انقـلاب روحه تنـگ اولدی یـر بدنده
             جسمیمـده افتخـاره گوردوم نشانه قارداش

آلدیم بو انقـلابین طغیـان جذر و مدّین
بولـدوم تجـاوز ایستر مرز وجـود حدّین
راه تعـادلیندن تاپــدوم او دمـده ردّین
باشیم یاریلماقندان گوردوم طریق سدّین
          باش ووردوم اوندا بیر باش تخت روانه قارداش

باش پارچالاندی آخدی دوتدی یوزی قزلقان
قـانلـو شفقـده گویــا بیــر آفتـاب تـابـان
قانلـو شعـاع سالدی دنیانی قویدی حیـران
دُونـدی زمـانـه دوری تغییـر تـاپدی دوران
                  گـردون دولانـدی کـام اسلامیانه قارداش

رحمت گوزیلـه باخدیم بوقوم بی‌حجابه
بیر روح تازه ویردیم دلمُرده شیخ و شابه
تـا مستعــدّ قیلــدیم افکــاری انقلابه
حمد ایلدیـم خدایه تا باشلادیـم خطابه
               ظن ایتدیلـر علیـدور گلموش بیانه قارداش

بیـر لهجـه ده دانشدیم گویا علی اوزیـدی
لهجه علـی بیانـی سوزلر علـی سـوزیـدی
بیر شهر بیـر منیدیم خلقین ایکی گوزیدی
سوزلر که من یتوردوم هر سوزلرین گوزیدی
          هر کلمه مرغ روحه خوش آب و دانه قارداش

دشمن خبر بولونجه پرده کنار اولوندی
پرده کنـار اولانـدا حقّ آشکار اولـوندی
بالمرّه آل سفیان منفور و خوار اولوندی
بنیـاد انقـلاب خلـق استـوار اولـوندی
             باشلاندی بُغض و نخوت سفیانیانه قارداش

 

آندیچمرم اوجانه- ذهنی زاده

تاریخ ارسال : یکشنبه 23 مهر 1396
آخرین بازدید : چهار شنبه 8 بهمن 1399
تعداد بازدید کننده : 1651
دفعات مشاهده : 1687
» ارسال نظرات
متن پیام : *
نام :
تصویر امنیتی :
 
 
 

مدح و مرثیه حضرت ام البنین سلام الله علیها

نوحه حضرت ام البنین سلام الله علیها

مدح حضرت ام البنین سلام الله علیها / محمدسعید میرزایی

نخل میثم / مروری بر زندگی و آثار استاد غلامرضا سازگار

قال رسول الله صل الله علیه واله و سلّم

برترین ایمان این است که بدانی خداوند همه جا با تو است.

(میزان‌الحکمة: 612)
مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک