گل بــاغ آل رســولسن
بالام آغلاما قزیم آغلاما
ثمـر ریــاض بتــولسن
بالام آغلاما قزیم آغلاما
****
قوری یردی مسکن و منزلون
یوخ علاج محنت و مشگلون
منه چوخ چتینـدی بونسکلون
بالام آغلاما قزیم آغلاما
****
بوگجه چوخ ایلوسن اضطراب
منـی حالتـون ایلیـوب کباب
قولوی کسوبدی مگـر طناب
بالام آغلاما قزیم آغلاما
****
سن عزیـز شـاه مدینـه‌سن
سن اسیـر فـرقـۀ کینـه‌سن
سن حسینه نازلو سکینه‌سن
بالام آغلاما قزیم آغلاما
****
بوگجـه نـدن ایدوسن فغان
بو فغانیلـن منـی داغلیسان
نه اولوب سنه نیه یاتموسان
بالام آغلاما قزیم آغلاما
****
بیـزه یـوخ بـو شامـده دادرس
دگی دوست بیزلره بیرجه کس
اسـرادیلــر سنــه هــمنفس
بالام آغلاما قزیم آغلاما
****
هامی بو مصیبته دور دچار
ایلمـه بـو نوعیلـه آه و زار
قاپودا قالوب گوزون انتظار
بالام آغلاما قزیم آغلاما
****
یولاتیکمیسن ایکـی گوزلرون
گلـی بـوگجــه مــه انـورون
ئولوب اکبرون ئولوب اصغرون
بالام آغلاما قزیم آغلاما
****
بــو خرابــه‌ده ایـدرم نظـر
هامی یوزلره توکور اشگ تر
هامی دربدر هامی خونجگر
بالام آغلاما قزیم آغلاما
****
یتشوبـدی باشه مصیبتون
آزالوبـدی رنج و مشقّتون
بو گجن‌دی آخر زحمتون
بالام آغلاما قزیم آغلاما
****
سنی غصّـه ایلدی باغـریقان
ویره‌سن خرابـه‌ده بیلـه جان
اولوری گلیم گل اُزون خزان
بالام آغلاما قزیم آغلاما
****
ایلیوبـدی قـدّیمـی غصّـه خم
سنه‌ده منیم کیمی چوخدی غم
بـالا گل بـو سینه‌مه بیرجه دم
بالام آغلاما قزیم آغلاما
****
سارالوبدی گل کیمی گل یوزون
اورگونـده وار گـورورم سوزون
سولـه سالمــا غصّیـه اُز اُزون
بالام آغلاما قزیم آغلاما
****
ایلـه نالـه «مضطر» بینوا
یتـه دادیــوه شـه کربـلا
سالوب اود جهانه بو ماجرا
بالام آغلاما قزیم آغلاما
آندیچمرم اوجانه- مضطر قفقازی
