شامده دوزوب دایاندیم ظلم مشرکینه قارداش
قانلـو کوینگـون الیمده گلدیم اربعینه قارداش |
کـوینگـون منـه اولـوبـدور مـایـۀ نـوا و شیون
عطـروی بیـر عمـر آلام پــاره پـاره کـوینگوندن
دلدن اودلانوب حسینیم شیونیله اوخشارام من
همدم آه و ناله دور بوزار و دلغمینه قارداش |
زینبـه قـالوبـدی سنـدن قـانلـو پیرهن نشانه
بـاغریمـا بـاسـوب همیشـه گلـم آه و الأمـانه
کوینگون اورک باشندان قویمارام بیر اوزگه یانه
ورداولوبدی قارداشیم وای زینب حزینه قارداش |
قوم کین گیدنده فرصت ویرمدی بو باغری قانه
بـاشـون اوستـه ایلییـدیم بیـر نـوای عـاشقانه
آغلیـانـدا ظلـم الیـلـه شمــر ووردی تــازیـانه
حسرتیم اورکده قالدی یاندی اودلی سینه قارداش |
خودسری بیر اربعینی تـرک قیلمادیم سنی من
سرّی‌وار بیر ایل یـوباندیم مندن ایلمه گله سن
گلماقا بو قبره فرصت ویرمدی بیر ایلده دشمن
فرصت اولدی ایمدی گلدیم کربلا یرینه قارداش |
ایمدی یوخدی قـوم کینه الده یاخشی فـرصتیم وار
عـرض ایـدم سنـه بــرادر دلـده هـر شکـایتیم وار
سـن اوزون حسیـن بـولورسـن درد بی‌نهـایتیم وار
دوزمـوشم بیـر ایلـده ظلم اشقیا دنیه قارداش |
ایمدی کاش اولیدی قارداش قبروین کناری خلوت
قـولاریـمـی گـوستـریـدیـم ای شهنشـه ولایـت
نقـدر دگـوب گـوریـدون منــه قمـچـی عـداوت
قولاریم اولوبدی نیلی ای شه مدینه قارداش |
تـا شهـادت امــری یتـدی بـو دیـارده تمامه
اولــدی دستگیـر عیـالـون اشقیای بـد مرامه
چکدی قوم کینه عریان ناقه اوسته سوی شامه
یولدا گه دوشوب رقیه گه قزون سکینه قارداش |
باخمادی اولوبدی زینب درد النده خسته خولی
تـازه‌دن بـو دل‌غمینـی ایتدی دلشکسته خولی
ظلمیله آپـاردی قویدی باشوی کل اوسته خولی
پرده پرده کول اوتوردی گل کیمی جبینه قارداش |
نیزه‌ده اوخور نه گـوردوم بـاشون ای یـارالی قرآن
ابـروش مـه جمـالـون دوتموشیـدی خـون الوان
باشمی اودمده ووردوم چوب محمله حسین جان
پارچالاندی باشیم اولدوم سنله هم قرینه قارداش |
آل عصمتی حسینیم گتدی ظلم کوفه تنگه
کـربلایـه گلمین‌لر گلدی کوفه ایچره جنگه
بنزدوردیلــر اسیــر روم و دیلــم و فـرنگه
چوخ شماتت اولدی اوردا اهلبیت دینه قارداش |
هر یره گیدوبدی باشون گون کیمی سر جداده
سایه تک اونـون دالنجـا دوشموشم من فتاده
گیتمیشم بـاشمـدا نچه قـاره گـونلی هر بلاده
دوزموشـم جفـا و ظلـم فرقـۀ لعینـه قارداش |
داد او وقتــدن حسینیــم اهلبیــت زار و خسته
وارد اولدی شـامه عریان نـاقه اوسته دست بسته
بعضی‌نین قوجاقدا طفلی ینگی یـوزده دلشکسته
دمبدم آخاردی اشگی گل‌تک عارضینه قارداش |
شامـده عزیـز عیالـون بـر خـرابه یرده قـالـدی
آغلادی خانم بالالار شـورشین گـویه اوجـالـدی
بسکه قالدی آج رقیه گل کیمی سولوب سارالدی
گوزلریندن اشگ حسرت آخدی دامنینه قارداش |
قوردی بزم غم بالالار گـوزده اشگ دلـده شیون
آه دلنشین چکـردی بعضـی سی یانقلی دلدن
بعضی سی دیردی عمه دور علاج ایله آجام من
خون دل تو کردی گوزدن اشگ‌تر یرینه قارداش |
یتـدی عـاقبت تمامـه ظلم آل بـو امیـه
قوتولوب گلوب سلامت اهلبیت هاشمیه
گلمـدی بـو اربعینـه حیف نـازنین رقیـه
ایتدی غربت اختیار اول ناتوان حزینه قارداش |
سن رقیـه قــالماقنـدان منـدن ایلمه گلایه
نیلیـوم اسیریـدیم من امر و گـردش قضایه
چوخ سویردیم اول بلاکش قز گلیدی کربلایه
عندلیب اولیدی بو غم غصه گلشنینه قارداش |
دور گیـداخ دیـدیم منیله ای بلالی گـل عذاریم
سویلدی ایـاقلاریمدا وار دور عمـه جـان غباریم
چوخ دوگوبله یورقونام من گتماقا یوخ اختیاریم
غربت اولدی خوابگاه اول طفل نازنینه قارداش |
ذکـرـ وا وطـن دلنـده دوشـدی دلـدن اول وطنسیز
گـوزلری بـاخوب یـولا جان ویردی حسرتیله سنسیز
تاپمادیم کفن او طـفـله قـالـدی سن کیمی کفنسیز
کوینگیله اولدی مدفون آخر اول دفینه قارداش |
چوخ سویر قویا بو «تائب» اول مزاره روی زردی
اشگیله یوووب او قبری پاک ایـده غبـار و گردی
زینبین دلنجـه بـرده ذکر ایده بـو غـم لی فردی
قانلو کوینگون الیمده گلدیم اربعینه قارداش |
آندیچمرم اوجانه- تائب تبریزی
