شهادت حضرت قاسم بن الحسن علیهم السلام

 

آتدان دوشنده قاسم گل پیرهن یره

ایتدی روانه گوز یاشینی پنج تن یره

 

زهرا و مرتضی و حسن جدّی مصطفی

باطنده نازل اولدیلا قاسم دوشن یره

 

ظاهرده گلدی خامس آل عبا حسین

آل عبا یغیشدی او بیت‌الحزن یره

 

صدقیله قاسمه دوتا هر کیم عزا یقین

بو پنج تن گَلَر او عزادار- اُلَن یره

 

آل عبایه سوگلیدور چون بو نوجوان

آل عبا گیدر بو جوانی سُوَن یره

 

یوخ احتیاج اَدِلَّه و اثباته پنج تن

ایمدی یقین گلوبدیله بو انجمن یره

 

صاحب عزا بو رسمدی آغلار گوزی سُوَر

زهرا گَلَر مُحِبّلَر اشگین توکن یره

 

گوز یاشلارین ذخیره ایدر روز محشره

قویماز سرشک تر توکوله دیده ‌دن یره

 

بو بزمده علی اوتورب چوخ مؤدّب اول

باخما حقارتیله علی اگلشن یره

 

سال یادیوه او وقتی که صد پاره جسمیله

آتدان یخلـدی قاسـم گلگـون کفـن یره

 

سسلندی ای عمو اُلورم گل هراییمه

قربان یارالی جانیم عمو سن گلن یره

 

آلدی سَسین خیامده گلدی غریب امام

دوشموش یارالی گوردی او گل‌پیرهن یره

 

فریاد او وقتدن که حسین تاپدی قاسمی

دلسیز دوشوب نه گوردی او شیرین‌سخن یره

 

ماهی کیمی چالور ال‌ایاق قانلو دجله‌ده

سورتور گوزل یوزین او سوسوز جان ویرن یره

 

قارداش بالاسین ایله گوروب دلدن اودلانوب

آتدان اوزین سالوب او شه ممتحن یره

 

گوردی شکار ایدوبدی خطا دیده اوچیلار

دلسیز دوشوب مثال غزال خُتَن یره

 

میدانی قانلو جسمی ایدوب رشگ گلستان

گویا توکوبله یاسمن و نسترن یره

 

خنجرلریله قطعه به قطعه اولوب بدن

پاشیده دور دیرسن عقیق یمن یره

 

اول سرو بوستان بتولی جفائیله

یخمیش یارالی دستۀ زاغ و زغن یره

 

اولوان اولوبدی قرمزی قانیله پیکری

اوراق لاله تک توکولوب بیر چمن یره

 

خونین شفقده ماه سپهر حسن قالوب

قانلو بولود دا دوشموش او وجه‌الحسن یره

 

قان دجله سینده سنگ جفادن حصار وار

گویا که داش توکوبدی گلن هر گیدن یره

 

گلمز یارا شماره نجوم سپهر تک

دوشموش بیر آسمان تک او سیمین بدن یره

 

باشی آخوب بوغاز گورونور قرص ماه تک

رخشاندی نوربخشدی سیب ذَقَن یره

 

بلبل دانشدیروب گلینی گوردی دینموری

خندان دوشوب یوز اوسته او غنچه دهن یره

 

یردن گتوردی قانلو باشین باسدی باغرینا

قویدی یوزین او سینه‌ده اوخلار تیکن یره

 

آلدی قوجاقه نعشینی حمل خیام ایده

قویدی دوباره یأسیله شاه زمن یره

 

اشگیم مجال ویرموری عرض ایلوم علّتین

بیرده گوتوردی قویدی دوباره ندن یره

 

چوخدور یاراسی گوردی بدن قطعه قطعه دور

قان چشمه‌سی رواندی چو سیل دَمَن یره

 

یا اینکه شه ایشیتدی امام حسن سسین

قویدی اوغول جنازه سینی تازه‌ دن یره

 

آخر گوتوردی سینه سینه باسدی جسمینی

حمل ایلدی شبیه پیمبر دوشن یره

 

چوخ زحمتیله گَتدی خیامه جنازه‌سین

جمع اولدی دلده ناله حریم اگلشن یره

 

آلدی آرایه اهل حرم قانلو پیکری

گوزیاشی توکدی آل شه ممتحن یره

 

مجروح صیدی گورسه آنا آنّینی اُپَر

جانیم فدا الهی سریّه اُپَن یره

 

آنّی گـوروب یارالیـدی اُپــدی بوغازینـی

قویدی سوسوز دوداقینی خنجر بیچن یره

 

کربلا زمزمه سی 3- حاج حسین شأنی

تاریخ ارسال : جمعه 7 مهر 1396
آخرین بازدید : شنبه 29 شهریور 1399
تعداد بازدید کننده : 711
دفعات مشاهده : 729
» ارسال نظرات
متن پیام : *
نام :
تصویر امنیتی :
 
 
 

توسل به حضرت رقیه سلام الله علیها

خبر داغ

عشق تو ما را دیوانه کرده / مرحوم اصغر سعیدمنش

کتیبه روایت تاریخ بلعمی (محرم61 ه. ق)- استاد باقری

قال زین العابدین علیه السلام

هر مؤمنی که چشمانش برای کشته شدن حسین (ع) گریان شود به طوری که اشک بر گونه‌هایش سرازیر گردد، خداوند به سبب آن، او را در غرفه‌های بهشتی جای دهد که روزگاران درازی را در آنها به سر برد. 

(میزان‌الحکمة: 4265)

مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک