نوحه حضرت علی اصغر علیه السلام

 

گل علی‌اصغری آل حالتی برهم ‌دی باجی

قانلو قونداق ‌آرا بیر روح مجسّم‌‌ دی باجی

 

قوروموشدی آنا پستانی داخی سود یوخیدی

سوزش و ناله آنادان بالادان چوخ چوخیدی

اونی سیراب ایدن عالمده فقط بیر اوخیدی

از قضا تیر قضا زهرله پُر نم‌ دی باجی

 

آتش عشقده صاف ایتمک ایچون غلّ و غشین

آلدیم آغوشیمه قونداقنی اول حور و شین

لبلرنده اوخودوم شدّت سوز عطشین

گل یوزینه توکولن گوز یاشی شبنم ‌دی باجی

 

الیم اوستنده گوتوردوم آپارام میدانه

هدیه کوچک اولا ال اوسته گیدر جانانه

تحفۀ کوچک ذی قیمت اولور شاهانه

قطره کوچک‌دی ولی زیب کف یم‌ دی باجی

 

سو امیدیله آپاردیم صف اعدایه اونی

اوخلیوب آخ دیمیوب دشمن دون پایه اونی

گورمدیم من قوجاقیمدا داخی جز سایه اونی

قوی قدم بزم غمه گور بو نه عالم‌دی باجی

 

صبح صادق کیمی آق گردن مینا گورونوب

پرنیان قونداق آرا بیر تن رعنا گورونوب

تن رعناده گلو لؤلؤ لالا گورونوب

حرمله گوردی که منظوری منظّم‌دی باجی

 

ایتمه‌دی هیچ خطا اوخ آتانون تدبیری

پر آچان نعره چکن وای دین بیر تیری

راست گلدی یره یخدی او گوزل نخجیری

دیمه‌دی صید حرم صید محرّم‌دی باجی

 

دوغری تشخیص الیوب تیر جفانون هدفین

سندیروب اصغر والا گهرون جان صدفین

بوغازی نازک‌ایدی آچدی اونون هر طرفین

اوخ بوغازه نه ایدر امر مسلّم‌دی باجی

 

نوک پستان یرینه ناوک پیکان آلدی

گوش تا گوش گلو ویردی بوتون جان آلدی

شیر و شیرانه بالام جانله جانان آلدی

سعی و توفیق هامی امر ده باهم دی باجی

 

شیر مادر کیمی اوخ اصغری سیراب ائلدی

نازیله آچدی گوزون باخدی گنه خواب  ائلدی

نخلۀ جانی آخان قانیله شاداب ائلدی

نخل اگر سو ایچه شاداب دی خرّم‌دی باجی

 

بسکه قونداق لطیف ایچره قزل قان دولدی

دامنیم قرمزی گللرله گلستان اولدی

گل یاسیم یوزومه گولدی ده گل تک سولدی

اوزی اوز یاسنه خندان گل ماتم‌دی باجی

 

کعبۀ حقده قویون کسدی اگر ابراهیم

کربلاده قوزی قربان اولوری ذبح عظیم

قان مرکب قلم اوخ سطح گلو صفحۀ سیم

او گوموش صفحه قزل قانلا مترجم‌دی باجی

 

بیر اووچ آتدیم او قاندان فلک‌الافلاکه

بیر کچیک قطره سیده دوشمه‌دی روی خاکه

دامن عرش مقام اولدی او خون پاکه

سرخی رنگ شفق آیت محکم‌دی باجی

 

شکر صد شکر الیم اوسته بالام جان ویردی

جان ویروب سهلدی لب تشنه و عطشان ویردی

اولدی قربان هامی قربانلارا بیر شأن ویردی

آدی اصغردی اگر رتبه‌سی  اعظم‌دی باجی

 

هر نه قربان ویره‌جکدیم او بویوک درگاهه

بیر به بیر یولامیشام محضر شاهنشاهه

گیده‌رم ایمدی فراغتله لقاء‌اللّهه

چونکه اسباب سفر جمله فراهم‌دی باجی

 

شهر تبریزده «هندی» دوتا هر گونه مرض

یازماسا نوحه محرّمده اولور نقض غرض

آیریلور چونکه بو درگاهده ذاتیله عرض

گله هر کیمسه خلوصیله او اقدم‌دی باجی

 

کربلا زمزمه سی 3- حاج عبدالرحیم هندی

تاریخ ارسال : جمعه 7 مهر 1396
آخرین بازدید : سه شنبه 31 اردیبهشت 1398
تعداد بازدید کننده : 500
دفعات مشاهده : 500
» ارسال نظرات
متن پیام : *
نام :
تصویر امنیتی :
 
 
 

مناجات ماه رمضان

سرود میلاد امام حسن مجتبی علیه السلام

مناجات ماه رمضان

قال الصادق علیه السلام

امام حسن علیه السلام در خلقت و سیرت و شرافت شبیه ‏ترین مردم به رسول خدا بود.

(الأرشاد: جلد 2، صفحه 5)

مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک