قتلگاه- راز و نیاز حضرت امام حسین علیه السلام

 

سس یتدی عالمینه حسین امتحان ویرور

عین‌الحیاتی گوردیله لب تشنه جان ویرور

 

آفاقه دوشدی ولوله افلاکه غلغله

بولجک نشان حسینی خدای جهان ویرور

 

گوتدی حجاب و پرده‌نی ستّار عشق اوزی

عشقه فضای قدسده شرح و بیان ویرور

 

ایستر بولوندیره جبروت اهلنه تمام

بیر بندیه بو قدر نیه عزّ و شان ویرور

 

بولسون هامی مراتب عشق و محبّتی

بیر نازنین وجود کماکان نشان ویرور

 

معلوم اولوب مقام عبودیّت حسین

بو سرّی بیر بیرینه خبر قدسیان ویرور

 

باشی آچوق گلوب یره اولدم امین وحی

گورسونله دشمنی اونا هیچ بیر امان ویرور

 

گوردی نه جدّینه قویور حرمت قلیجلیان

نه بیر دقیقه فرصت اونا اوخ وُوران ویرور

 

نه رحم ایدور یارالارینه شامیان باخور

نه سو اونا سوسوزدی گورور کوفیان ویرور

 

بیله خیال ایتمه که بیر جبرئیل دور

گلمیشدی شاهدین گوره ‌نه نوع جان ویرور

 

دولموشدی کربلا چولی سبّوحیانیله

بیلسون نه امتحاندی شه انس و جان ویرور

 

دورموشدی انبیا هامی حیران باخوردیلار

گوردیله بیر یارالی عجب امتحان ویرور

 

سو یوخ نماز وقتیدی قان دستماز آلوب

روح القدس دوروب قباقندا اذان ویرور

 

عیسایه دَم ویرن نفس واپسینده

دم جبرئیله گاهی عیان گه نهان ویرور

 

هر اوخ گلور اوزی دوزه‌لور باغرینا باسور

اوز سینه‌سین قباقه ویرور اوخ که یان ویرور

 

بیر بیر دوتور اُلنلرینه بارماقین او شه

قربانلارین منای محبّتده سان ویرور

 

عرض ایلیری خدا هامی عهدیم تمام اولوب

نقصان عهددن باشنا چوخ تکان ویرور

 

یعنی حبیب لم یزلیم بیر بو باش قالوب

چوخ دردسر حسینه بو بار گران ویرور

 

عبّاس قتلنه اولوب عدلین قولاّری

یرده هنوز قولّارینون زخمی قان ویرور

 

پیراسته اولوب بَزَنوب برگ شاخه‌سی

جانان یولندا کیم بیله سرو روان ویرور

 

هانسی آتا قلج دمنه اوخ قباقنه

اکبر کیمی پیمبره بنزر جوان ویرور

 

قاسم یاخوب حناسنی قانیله خوش یاتوب

طوی حجله‌سین قضا اونا نوک سنان ویرور

 

قونداق ایچینده اوخلانا خوشدور دوباره جان

گورسم اَل اوسته اصغر شیرین‌زبان ویرور

 

هر عاشقین که سن کیمی معشوقه عشقی‌وار

لایق او درگهه‌ ایله بیر ارمغان ویرور

 

هر طایر محبّتی بی‌بال و پر سالور

دست قضا اونا بیله بیر آشیان ویرور

 

قارداشم اوغلی تازه ویروب سینم اوسته جان

بولمور آناسی قالماقنا چوخ گمان ویرور

 

بو ئولماقیملا چون دیریلور دین احمدی

شرعه بو قصّه زندگی جاودان ویرور

 

منده اُلنلریمده خدا ویردوق امتحان

بیر امتحاندا زینب بی‌خانمان ویرور

 

زینب باجیم او وقتده چوخ زحمته دوشر

بی‌اختیار سس سسه بیر کاروان ویرور

 

مندن‌ صورا قوشون توکولور خیمه‌گاهمه

اوندا که غارت حکمنی شمر و سنان ویرور

 

گه قیزلاری سویوندوری گاهی حرملری

مین نوع دردسر اونا بو شامیان ویرور

 

گاهی یانان چادرلارا بیر بیر گیروب چخار

یانماقدا امتحاننی اول باغری قان ویرور

 

اوددان چخاردی سیّد سجّادی عاقبت

بیماریله تسلّی او قدّی کمان ویرور

 

بوردان دیار شامه کیمی کوفه و حلب

دِیر امتحانین اوغلوم امام زمان ویرور

 

گه زادۀ زیاد حضورنده ساخلانور

قول باغلو امتحاننی اول ناتوان ویرور

 

گه مجلس یزیدده چوخ ظلم‌لر گورر

جدّین نشان او ماه ولایت نشان ویرور

 

«صافی» اوزاندی مطلبمز ساخلا ال دایان

یوخسا کمیّت طبعوه ذوقون عنان ویرور

 

آخرده خوش ثمر سنه چون یازدون آغلادون

بـو شـورگوز یاشیلـه بـو آه و فغـان ویرور

 

کربلا زمزمه سی 3- کریم آقاصافی

تاریخ ارسال : جمعه 7 مهر 1396
آخرین بازدید : چهار شنبه 1 خرداد 1398
تعداد بازدید کننده : 1039
دفعات مشاهده : 1084
» ارسال نظرات
متن پیام : *
نام :
تصویر امنیتی :
 
 
 

مناجات ماه رمضان

سرود میلاد امام حسن مجتبی علیه السلام

مناجات ماه رمضان

قال الصادق علیه السلام

امام حسن علیه السلام در خلقت و سیرت و شرافت شبیه ‏ترین مردم به رسول خدا بود.

(الأرشاد: جلد 2، صفحه 5)

مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک