شام غریبان

 

قتلگهده بویادی زُلفون آنان قانه اوغول

گلدی خـولی ایوینه شـام غریبانه اوغول

 

منه تودیعَه گَلَندَن سن اَیا سِبط رسول

گَزَرَم چوللری آردونجا گوزی یاشلی مَلول

ائتموسن هاردا بو یوللاردا سَن اِجلال نُزول

اوردا من دلده آدون گلموشم افغانه اوغول

 

کربلا دشتینه چکدی منی عشقون هوسی

مَخیَمونده واریدیم عمریوین آخر گجه‌سی

خیمه‌دن عرشه چخاندا باجوین ناله سسی

من ئوزوم همدَمیدیم زینب نالانه اوغول

 

آخر عمرونده قویاندا یوزیوی توپراقا سن

دوشه‌میشدیم بوغازون آلتینا آغ زُلفیمی من

اَلینی گوزلریمه قویدی بابام شاه زَمن

دوشمه‌سون تا نظریم خنجر بُرّانه اوغول

 

دیمَه بیر لحظه سَنی گوزدن آنان آتموشیدی

قانه هر بیر یارادان که بدنون باتموشیدی

یارالار قانی منیم زُلفیمی ایسلاتموشیدی

سن کیمی اوردا بَلَشموشدی آنان قانه اوغول

 

مَصرعونده بِلیمی بوکدی منیم لشکر شام

عمریوین گچدی چراغی گونوز اولدی سنه شام

گون کیمی گچدی باشون نیزیه گون اولدی تمام

چکدی قان لَخته‌سی پرده خُورِ رَخشانه اوغول

 

گجه‌نون ظلمی گونوز ظلملریندن باشیدی

هَلَه گوندوز یاخیلان قانیله زُلفیم یاشیدی

او بدن که کفنی نیزه قلج اوخ داشیدی

ئوزگه ظلم  ائتدیله اول پیکر عُریانه اوغول

 

ساربان اولدی سبب قانه دُونَن گوز یاشیما

اَللرون کَسدی دوتوب قانوی یاخدیم باشیما

گَلمدیم دشمن بی‌رحم ایوینه ئوز باشیما

گَتدی عشقون منی بو کوفۀ ویرانه اوغول

 

بولمیوب کوفه‌لیلر قدریوی من بوللم اوغول

هر یره گیتسه باشون دلده آدون گَللَم اوغول

کول دولوبدور گوزیوه زُلفُمیله سیللَم اوغول

آناوی عشقون ایدوب گور نجه دیوانه اوغول

 

گوندوزوم شامه دُنوب سنسیز اَیا صبح اَزَل

کیم سالوبدور سنی بو حاله اولیدی اَلی شَل

نازیله یاتما کول اوستونده بالا سینه‌مَه گَل

قویما اوج ائتسون آنان ناله‌سی کیوانه اوغول

 

سن اوغول، اوغلی ئولَن قلبی یانان بیر آتاسان

بو اوغولسوز آناوی حاش گوزوندن آتاسان

نه گَلوب سینۀ زهرایه کول اوسته یاتاسان

کول اولا مَردُمکِ عالم امکانه اوغول

 

گَلموشم آچ گوزون ای بُرجِ امامت قَمری

آناوون گور نجه رُخساره آخور اشگِ تَری

یوخوموش خولی بیرحمده انصاف اثری

بو نه منزلدی وئروب سن کیمی مهمانه اوغول

 

ای جمال اللّهه آئینه رُخِ اَنوریله

سیلینَن گَردِ رُخی صورت پیغمبریله

دوزدی گَردون سیلر آئینه‌نی خاکستریله

نه بو آئینه نه بو کول نه بو کاشانه اوغول

 

اولی هر ظلم و ستم دهریده مظلومه چاتار

غم اوخی غم‌لر اَلیندن دل خونینه باتار

میزبان رَذل اولا مهمانی کول اوستونده یاتار

گوشۀ مَطبخ اولار مأمنِ شاهانه اوغول

 

سِخیلار اوچی اَلیندن یارالی قوش بوداغا

جبر ایدر شاهی پناهنده مُحقّر اطاقا

لیک وئرمَزله مکان کُنج تنوری قوناغا

هتک حُرمتدی بو یِر سن کیمی مهمانه اوغول

 

بودی دنیانین ایشی خوار ایده هر سؤگولینی

داغلیا غُنچه اَکَن لالۀ نعمان دلینی

آفت باد خزانه وئره گُلشن گُلینی

هر بهار آغلار اودور ابر گلستانه اوغول

 

بَسلَدیم من گُل طاهانی دل اوستونده بالا

خاره یالوارموشام آخر بو گُل اوستونده بالا

یارالی گُل یوزیوی قویما کول اوستونده بالا

حیف‌دور گُل دوشه خاکستر سوزانه اوغول

 

بوغازوندا باخورام زخم مُکرّر یرینه

حنجرونده یانورام اون ایکی خنجر یرینه

گور دُوزر هانسی آنا  اولسا بو مُضطر یرینه

توکمَز اشگ بَصرین من کیمی دامانه اوغول

 

گَزدیم ای یوسف گُم‌گَشته سُراغوندا سنون

تاپدیم آخر او چوخور یرده یارالی بدنون

گُوندَرَم غصّه‌لی یعقوبوه بیر پیرهنون

تاپمادیم جبراً آپارمیشدیلا تالانه اوغول

 

قان سریرینده یاتوبسان یارالی پیکریله

سایه سالموش سنه اوخلار قوشی شهپر پریله

اهرمَن اَل تاپوب انگشتوه انگشتریله

آچیلوب غارت اَلی دست سلیمانه اوغول

 

ائتموسن عهد اَلَستوندَه بلایانی قبول

او بلایا که اونا والِه و حیراندی عقول

داغیدوب ناطق قرآن بدنین سُمِّ خیول

بیرده شیرازه وورولماز بیله قرآنه اوغول

 

قان ایدوبدور یارالی قلبوی قارداش یاراسی

قاریشوب بیر بیرینه داش یاراسی باش یاراسی

وار قلج باشدا جَبینون داغیدوب داش یاراسی

آناوین قانه دونَر گوزیاشی گور، یا، نه اوغول

 

پیکرون بَنزوری گوردوم یازیلان قرآنه

جلدی یوخدور داغیلوب هر ورقی بیر یانه

من باخوردوم او داغیلموش بدنِ عریانه

گوردوم اول جسمده گَلمور یارالار سانه اوغول

 

گتمز ایستکلیدن ایستکلیسی عالمده یانیش

دیندیرر خوش دلیله هر کسی دیندیرسه تانیش

چوخدی غصّم بولوسن گوگلومی آل مَنله دانیش

آشنایم دگولم من سنه بیگانه اوغول

 

سینه‌می تیر غمه هر غمون آماج ایلیوب

منزلون دشمن ایوی صبریمی تالان ایلیوب

چرخ آئینه‌نی خاکستره محتاج ایلیوب

کولَه محتاج اولا بو چرخ ذلیلانه اوغول

 

منزل «ذهنی» سائلده بو اشعاری یازان

خاضع و حافظی و نجمی و سعدیّ زمان

مِسکر و رنجبر و سالک و طاهباز جوان

شرکت اولدی حَسَنینیله بو عنوانه اوغول

 

بیزه نوکردی اولار شاهه تیکر گوز نوکر

اودی گوز یاشلو هره درد دلین عرض ایلر

جمله‌سی دردینه درمان و زیارت ایستر

دعوت ایله اولاری وقفۀ قربانه اوغول

 

کربلا زمزمه سی 3- ذهنی زاده (سائل)- خاضع- حافظی- نجمی- حسینی (سعدی زمان)- مسکر- رنجبر- سالک- طاهباز- حسینی

تاریخ ارسال : جمعه 7 مهر 1396
آخرین بازدید : جمعه 26 بهمن 1397
تعداد بازدید کننده : 767
دفعات مشاهده : 804
» ارسال نظرات
متن پیام : *
نام :
تصویر امنیتی :
 
 
 

مدح حضرت فاطمه زهرا(سلام الله علیها)/ استاد غلامرضا سازگار

سرود ولادت حضرت فاطمه زهرا(سلام الله علیها)

آلبوم صوتی مادرانه / اجرا: سید محمد سادات اخوی

قال رسول الله صلی الله علیه وآله

گناه‌کارترین فرد در عرفات کسی است که از آن جا بازگردد در حالی که گمان می‌برد آمرزیده نخواهد شد.

(بحارالانوار:جلد 99،صفحه 248)

مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک