زبان اشتیاق خرابه شام- زبانحال حضرت رقیه به رأس مقدس پدرش

 

یوزون ای امید صبحی منه تا مقـابل اولدی

هامی محنتیم اورکدن غم ایونده زایل اولدی

 

نفحات انس ایدردی منی مست اول شب

قدح ولا بولردیم بو گیجه اولار لبالب

یتورر منی مراده اثرات ذکر یا رب

او دعا اولوب مؤثّر بو مراد، حاصل اولدی

 

هامی گللریم آچیلدی بو خرابه اولدی گلشن

نفس شمیم رحمت گره آچدی تار دلدن

چیخوب آفتاب رخشان گیجه اولدی صبح روشن

نظر عنایت حق منه سنله شامل اولدی

 

بو حضوره نه سزادی گل و لاله‌نین نثاری

که خرابیه گتوردون هامی جلوۀ بهاری

نفسیله وار کشاکش نچه لحظه گیتمه باری

هامی عمردن بو ساعت منه حاصل دل اولدی

 

منی سالدی گفتگودن ایله شدّت مصائب

که مجال، یوخدی نطقه اگر اولسادا مصاحب

اله بیرده حاشَ دوشسون بله فرصت مناسب

یوزوی گوروب دل آچدیم منه حلّ مشکل اولدی

 

دیمورم خرابه منزل منه کاخ آرزو دور

دیمورم تراب تیره منه ناز، پرّ قو دور

دیمورم سرشگ حسرت منه عین آبرو دور

که بو اشگدن یزیدین هامی نقشی باطل اولدی

 

نه لزومی وار دییم من هامی شام ماجراسین

شب قتل داستانین غم کوفه ابتلاسین

هامی پیکریم زباندی دییر اشقیا جفاسین

نه دییم نه نوعلن طی بو هامی مراحل اولدی

 

ره شامده اگر چه غم و درد اولوب زیاده

ولی روبرو گورردیم سر اکبری جداده

یتیشنده شامه باتدی هامی ظلمت جفاده

او ایشیقلی اولدوزومدا ستمیله آفل اولدی

 

مه عارضونله روشن منه اولدی شام مظلم

نه بجائیدی گلیدون علی ‌اکبریله با هم

آتاجان مگر گورونمز مهیله ستاره توأم

بو قران سعده بولمم نه حجاب، حایل اولدی

 

رشحات فیض بیچون گل عمری ایتدی سیراب

منی غرق رحمت ایلوب کرمیله ربّ الارباب

بو حلولدن که اولموش بخلاف رسم و آداب

برکات حیّ سبحان بو مکانه نازل اولدی

 

دییم اهل شامدن یا اورگیم تألّمندن

بیرینین شماتتیندن بیرینین تبسّمندن

بخصوص من بو قومین یانیرام ترحّمندن

کیمه رحم کیم‌لر ایلر کیمه کیم مماثل اولدی

 

من او بی‌نظیر لعلم من او تابناک گوهر

من او ماه عالم آرا من او پر فروغ اختر

که ایدنمیوب عوامل منی تیره و مکدّر

سبب ملال اگر چه منه بو عوامل اولدی

 

من او نسخۀ کمالم فقرات عزّه شامل

صفحات کون و امکان منه دفتر فضائل

آچیلا اگر مکاتب یازیلا اگر رسائل

گورر اهل دل که هستی بو مقامه قائل اولدی

 

من او کعبۀ مطافم که طواف ایدر ملائک

من او مسلک ولایم که وفادی اوندا سالک

بوخرابه منله بیرگون اولی وجهۀ ممالک

نجه که سنیله گلشن بو خرابه منزل اولدی

 

منم اول فروغ یثرب منم اول چراغ بطحا

نسبیمده شیر یزدان حسبیمده واردی زهرا

سن آتام حسین عطشان ایکی کونه میر و مولا

کیمه بو جهاندا ممکن بله بیر فضائل اولدی

 

من او سرفراز اسیرم منه فخر دور اسارت

منم اول خرابه منزل منه خاک پادی عزّت

منه کاینات اولموش ابدی رهین منّت

که شهادته اسارت بولورم مکمّل اولدی

 

منی هر زمان اگر چه غمون ایلمیشدی دلگیر

بو گیجه علاوه دلده بو بلا ایدردی تأثیر

ایلیوب خیال، کلکی یوزوی گوزومده تصویر

ایله محویدی که گویا منه دل مقابل اولدی

 

قطرات اشگ گوزدن ایله یاغدی مثل باران

که سرشگ موجی ایتدی منی غرق سیل و طوفان

او مهیب ژرفنادن یوخودی نجاته امکان

بو تشرّف زیارت منه امن ساحل اولدی

 

نه دییم که لایق اولسون سنه نحوۀ خطابیم

شرف و وقار و شأنیم گل و ماه و آفتابیم

سنیلندی افتخاریم سنه واردی انتسابیم

سنیله قیزون جهاندا هامی عزّه نایل اولدی

 

منی لطف حق یتوردی گویول ایستین صفاته

اودی دلده یوخدی رغبت جلوات کایناته

ایله ویردی خط بطلان رقم تعلّقاته

هامی مکنتیم بو قولدا دوزولن سلاسل اولدی

 

کربلا زمزمه سی 3- استاد محمّد عابد

تاریخ ارسال : جمعه 7 مهر 1396
آخرین بازدید : دوشنبه 31 تیر 1398
تعداد بازدید کننده : 732
دفعات مشاهده : 735
» ارسال نظرات
متن پیام : *
نام :
تصویر امنیتی :
 
 
 

سرود میلاد امام رضا علیه السلام

سرود میلاد حضرت معصومه سلام الله علیها

سرود ولادت حضرت رضا (علیه السلام)

ناد علیا مظهر العجائب / آلبوم امیر عشق

قال الرّضا علیه السلام

هر مؤمنی در مدح ما شعری بگوید خداوند متعال (برای او) در بهشت شهری هفت برابر وسیع‌تر از دنیا بسازد و در آن شهر هر فرشته‌ای و هر پیامبر مرسلی به دیدار او روند.

(وسائل‌الشیعه: جلد 14، صفحه 598)
مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک