توسل به آستان مقدس حضرت صاحب‌العصر والزّمان عجل الله تعالی فرجه الشریف

 

الأمان و الأمان یا حجّه‌‌الله الأمان

ظلمیله دولدی جهان یا حجّه‌‌الله الأمان

 

قوی رکابه بر قدم ای ذوالفقارین صاحبی

اولدی شیعه باغریقان یا حجّه‌‌الله الأمان

 

پردۀ غیبتده اگلنمه داخی ایله ظهور

جانه گلدوخ آز دایان یا حجّه‌الله الأمان

 

اولدولار مظلوملر ظالملره مولا اسیر

داد و فریاد و فغان یا حجّه‌الله الأمان

 

کربلا اوضاعی ذکر اولدوقجه شیعه اودلانور

نار غمله هر زمان یا حجّه‌الله الأمان

 

قویما قالسون یرده قانی اکبر شهزاده‌نون

یوخدی بو قانی آلان یا حجّه‌الله الأمان

 

سن اوزونده آغلاسان بو غمده وار اَلده خبر

هر گیجه گوندوزده قان یا حجّه‌الله الأمان

 

جدّوون هر بر غمندن چوخ مؤثردور سنه

بر غمی معلوم اولان یا حجّه‌الله الأمان

 

یال و کاکل قانه غلطان ذوالجناحی یوز قویوب

خیمیه شیهه زنان یا حجّه‌الله الأمان

 

الظّلیمه سسلنوردی دمبدم بر قومدن

حالین ایلردی بیان یا حجّه‌الله الأمان

 

آه او وقتدن داد او ساعتدن که چخدی خیمه‌دن

باش آچان زلفین یولان یا حجّه‌الله الأمان

 

ذوالجناحین آلدیلار اطرافنی خُرد و کُبار

موکَنان ناله کُنان یا حجّه‌الله الأمان

 

گلدی یکسر نالیه هشتاده دین عورت اوشاق

تترشوردی قورخودان یا حجّه‌الله الأمان

 

قوللارین سالدی سکینه ذوالجناحین بوینونا

گوز یاشین ایتدی روان یا حجّه‌الله الأمان

 

سویلدی بیکس باباما ویردیلر سو یا سوسوز

کَسدی باشین شامیان یا حجّه‌الله الأمان

 

من دیمم قالدی بی‌بون نه حاله یا‌بن‌العسکری

شرحه یوخ دلده توان یا حجّه‌الله الأمان

 

وای حسینم وای دیوب یوز قویدی میدانه طرف

حالی پوزقون موکَنان یا حجّه‌الله الأمان

 

گلدی گوردی قارداشی توپراقلار اوسته جان ویرور

حالنه یوخ بر یانان یا حجّه‌الله الأمان

 

قاتلی دورموش باشی اوسته بر اوزگه فکریله

سویلدی ظالم دایان یا حجّه‌الله الأمان

 

بر الین ساخلا اوغوم آنّین گورورسن ضعف ایدوب

رحم ایله ویر بر امان یا حجّه‌الله الأمان

 

باتما ناحق قانه اُلدورمه اُلور ظالم دایان

ایلمه ظلمون عیان یا حجّه‌الله الأمان

 

آچدی ناگه گوزلرین جدّون بویوردی زینبا

آز باخوب حسرتله یان یا حجّه‌الله الأمان

 

دورما بوردا توکمه گوز یاشون مروّتدن دیمه

وار بو ظالمده نشان یا حجّه‌الله الأمان

 

ال گوتورمز کینه‌دن اُلدورمسه من بیکسی

ویرمسم لب تشنه جان یا حجّه‌الله الأمان

 

گوزلریمی وای اوغول سویلر آنام باغلار اوزی

باجی قالما ناگران یا حجّه‌الله الأمان

 

خامه‌نون تقصیریدور عفو ایت اولوب بو غم رقم

سن ایا صاحب‌زمان یا حجّه‌الله الأمان

 

جدّوه خاطر «شهابین» روز حشر اول حافظی

یا شفیع‌المؤمنان یا حجّه‌الله الأمان

 

کربلا زمزمه سی 3- یوسف شهاب

تاریخ ارسال : جمعه 7 مهر 1396
آخرین بازدید : دوشنبه 30 اردیبهشت 1398
تعداد بازدید کننده : 619
دفعات مشاهده : 621
» ارسال نظرات
متن پیام : *
نام :
تصویر امنیتی :
 
 
 

مناجات ماه رمضان

سرود میلاد امام حسن مجتبی علیه السلام

مناجات ماه رمضان

قال الصادق علیه السلام

امام حسن علیه السلام در خلقت و سیرت و شرافت شبیه ‏ترین مردم به رسول خدا بود.

(الأرشاد: جلد 2، صفحه 5)

مسئله روز

مسئله : اگر برای مسح، رطوبتی در کف دست نمانده باشد نمی‌تواند دست را با آب خارج، تر کند، بلکه (آقای سیستانی:... باید از ریش خود رطوبت بگیرد و با آن مسح نماید و گرفتن رطوبت از غیر ریش و مسح نمودن با آن محل اشکال است.) باید از اعضای دیگر وضو رطوبت بگیرد و با آن مسح نماید.

(آقای بهجت:... بنابر احتیاط باید اول از تری موی ریش و ابرو کمک بگیرد و اگر در آنها تری نبود از دست‌ها رطوبت می‌گیرد.)

آیت‌الله مکارم: اگر رطوبت کف دست خشک شود می‌تواند از اعضای دیگر وضو رطوبت بگیرد با آن مسح کند، ولی از آب خارج جایز نیست و اگر فقط به اندازۀ مسح سر رطوبت دارد سر را با همان رطوبت مسح کند برای مسح پاها از اعضای دیگر، رطوبت بگیرد.

 (توضیح‌المسائل‌مراجع،مسأله 257)

اینستاگرام

پنل کاربری

کلیه حقوق مادی و معنوی مطالب متعلق به موسسه هنر و ادبیات هلال می باشد
طراحی و برنامه نویسی گروه فاواتک